厚福館 (黃埔天地) (已結業)

打边炉嘅店舖开到成行成市，但系要揾一间高质嘅似乎都有啲难度，最近朋友推荐黄埔一间高质海鲜打边炉嘅套餐，当然要来探店啦！套餐嘅内容非常吸引，如果想再丰富啲，当然可以自行再加添其他项目！首先自己调理自己嘅酱汁，自己嘅口味自己最清楚！冷盘已经够晒矜贵，有海胆、象拔蚌🤭系刺身级别，只系摆盆都深深吸引住我！海鲜方面有四种，龙虾、鲍鱼、蚬、贵妃蚌，每款只要根据既定时间，就会食得到最好嘅口感！当中龙虾非常弹牙！鲍鱼一啲都唔韧～贝类更加鲜味无穷。牛亦有两款，一款骟牯肥牛，牛味香浓，另一款系牛颈脊，油香四溢🤭两款都渌几秒就已经食得！鲜嫩无比💯手打丸亦非常弹牙，当中黑松露饺子更加令人回味无穷😋选择咗两大球芒果味雪糕，为呢一餐画上完美嘅句号💯