荷華庭園景餐廳 (已結業)

同朋友喺新年嘅时候嚟到林村许愿，之前专登book咗呢间餐厅。入面嘅人手好似唔系好多，所以等咗好耐先有人嚟招呼。咁事前book位嘅时候就已经预留咗坐屋仔，可能因为迟咗少少所以有冷气𠮶啲就已经俾人坐左，所以坐左喺间木造嘅屋仔度，好彩𠮶日唔算热，但系都几多蚊， 咁我哋就叫左几样野试下，分别叫咗个焗田螺，煎三文鱼，同埋一个软壳蟹黑松露意大利饭。咁每个餐之前都会有个汤啦，一个系周打鱼汤，一个系洋葱汤，咁个人就比较钟意周打鱼汤多啲，洋葱汤就好似洋葱水咁😂煮食方面个意大利饭就不过不失啦，都算creamy ，呢个三文鱼都唔会煎到好老。反而系个田螺做得几好食，再加埋侧边薯蓉，口感好好，都去左d雪藏味