皇室甜品 (已結業)

原本想开开心心食甜品，点知一坐低见到个操大陆口音既女人执枱，一开始就闹刚走的客人点解搅到张枱同d櫈咁乱，然后大力执返d碗碟，好大力咁将d枱枱櫈櫈移好，气忡忡咁，老实讲，我唔觉得张枱好乱，而系好正常食完野既情况。跟住有个比较高既女人，拿著把界刀系我地身边打开d新既纸盒，之后大大力将d甜品材料碇系枱到，我地真系咩胃口都无晒。其实d甜品都唔算难食，但系d员工真系好赶客。如果我系老板，我唔会做落去，就算d甜品好食都无用，因为d员工真系好赶客。我写呢段野出黎，系希望讲个真相出黎，希望老板可以将错既做返好。当然，如果头先个两个女人系老板，咁就当我无写过。