皇室甜品 (已結業)

佐敦吃完燒烤，和朋友想食甜品，行經呢間皇室，就試一試，在看餐牌時，已感覺到一名四眼男店員怒目相待，已有點不安，之後我們問左他一句關於甜品問題，態度是十級惡劣，而且不斷用電蚊拍拍烏蠅，極度不衛生，埋單多謝無句，一野質返找贖錢過來，離晒譜食物方面，亦一般，芒果唔知乜卷，我懷疑冰箱雪左十日，攤左十分鐘仍是凍到牙都赤，外邊層皮又厚又無味薑汁雙丸子，芋圓一團粉咁，無味

第一次幫襯覺得好好味，所以特登返轉頭再試其他甜品,點知就出事！首先個男侍應嘅態度好有問題，我只係問佢個甜品係啲乜嘢，佢好唔耐煩咁話餐牌上面已經寫曬! 完全唔想理我！最後叫咗一個紅豆豆腐花&芒果布甸。首先講下個豆腐花，個豆腐花係有一陣窿味同埋囉味，又"up up" 地，好難形容，總之就係....臭！而個芒果布甸就係....冇味，又唔甜有冇芒果香味，只係得啲奶味，唔講都唔係芒果布甸。都係果句，冇下次！😡

不知所謂！由一入門口飛menu黎～態度惡劣～點了4碗中式糖水！首先桑寄生蛋茶唔夠味...再黎腐竹蛋糖水（隻蛋異常的大,一咬開有蛋汁飛出嚟（枱上蛋汁，懷疑係假蛋呀！）老闆娘說因為蒸了好長時間，所以有這個情況出現...一定不是（有圖睇！！）但我們已不敢再食唯有放棄～跟住再黎蛋白杏仁茶嗰陣膠味重得嚴重...（小妹係每次甜品都一定點...完全未試過咁難食）跟著退了！只係碗湯圓正常一點....其餘真的不知所謂...員工既態度簡直趕客！你一係做到好好食...咁你態度差都大把人幫襯！又難食服務又差真係搵鬼幫襯～最後掃地仲掃到我隻腳！做得咁冇誠意...執左佢...你等執！我話既Ps.怪不得夜晚時段都冇咩人光顧～明智既決定

原本想開開心心食甜品，點知一坐低見到個操大陸口音既女人執枱，一開始就鬧剛走的客人點解攪到張枱同d櫈咁亂，然後大力執返d碗碟，好大力咁將d枱枱櫈櫈移好，氣忡忡咁，老實講，我唔覺得張枱好亂，而係好正常食完野既情況。跟住有個比較高既女人，拿著把界刀系我地身邊打開d新既紙盒，之後大大力將d甜品材料碇係枱到，我地真係咩胃口都無曬。其實d甜品都唔算難食，但係d員工真係好趕客。如果我係老闆，我唔會做落去，就算d甜品好食都無用，因為d員工真係好趕客。我寫呢段野出黎，係希望講個真相出黎，希望老闆可以將錯既做返好。當然，如果頭先個兩個女人係老闆，咁就當我無寫過。

準備出發旅行之前，相約旅伴出來食飯，飯前先來一份甜品滋潤一番。皇室甜品的味道很有水準，價錢又合理，飯前時間前來人流不多，坐的很舒服。*************************日本紅豆豆腐花 HKD28，不甜的豆腐花配上紅豆的香甜又幾吸引，加上雪糕糯米糍的煙韌，口感十足。 只需甜品加HKD8，可以有3粒湯圓，芝麻味的湯圓都幾都香幾煙韌。 士多啤梨雪糕吐司金磚 HKD43，用上多士加入牛油焗，最後放上蜜糖和士多啤梨雪糕。 多士焗的非常香脆，還有蜜糖味同牛油味，再吃下一口雪糕，又凍又熱的口感也不錯。

依間既甜品選擇幾多，由中式糖水到西式甜品都有，而且不會讓人覺得全是和其他鋪頭差不多的行貨，中間還有不少看上去頗新的甜品，成功勾起我對甜品既食慾。就如這個白雪黃金卷，雖然看上去只是芒果腸粉配芒果醬。原來並不簡單，那本以為沒有味道的米卷，原來加入了椰汁，使其帶點椰香，而包裹其中的芒果肉大塊而鮮甜，咬下去軟腍滑潤，香甜滿口。芒果醬卻稍稍覺得有點過甜了，反而蓋過了本身的芒果肉的甜味。

同朋友食完飯行到附近有起甜品癮，唯有入黎醫下癮，因為見到隔離都係食西式甜品為多，加上自己又鍾意，於是就點左一個宇治金時。宇治金時簡直同楊枝金露並列為兩大應該好食，但好難好好食既經典甜品。這間既宇治金時除左有例牌既綠茶雪糕同紅豆蓉之外，仲有qq小丸子，同埋刨冰。綠茶雪糕方面，可能因為個人口味較喜歡較濃的，所以略嫌其茶味不夠，但甜味還是挺自然的。紅豆軟綿甜香，但不會過甜，還好。除此以外，qq小丸子很煙韌可口，只是我個人喜歡大少少的版本。刨冰份量不算太多，換言之即表面既料唔少，係足料既實誠餐廳。

每次經過皇室甜品，晚飯之後的時段總是坐的滿滿，這是前來在晚飯之前，看見座位還有，看著下午茶時間還有優惠，二話不說的走進店內便坐下。用上下午茶時段享受甜品，確實都幾優惠，但食物味道也不算不錯，舒服的坐著享受甜品，也算樂事。************************蓮子紅豆沙，紅豆沙都有點起沙，而且甜度適中，都幾好味。士多啤梨雪糕吐司，用上多士加了士多啤梨雪糕製成的甜品，多士都幾脆口，還加了蜜糖甜甜地幾好味，配上士多啤梨雪糕一凍一熱的口感更加豐富，吃上一份都幾飽肚。

為左想芋圓而來的 但去到一睇menu 發覺有芋圓既甜品好似得三款 😫 但其他選擇都好多 選擇多 仲有好多圖片睇 吸引！👍🏼叫左芒果雙丸 $32 好抵！😍有兩款味道芋圓 仲有好多粒小圓子 好煙靭 好開心呀！芒果都好甜 正！😋 另外，仲叫左榴連公主 $45 面頭有舊鮮榴連 幾好味！不過吾係好中意椰果粒 下面係椰汁布丁 所以榴連成份少左d 同埋要盡快食 溶得快 好快變淡🙈如果有多d芋圓甜品既好喇！

白雪黄金卷：芒果饀好香甜，外皮係用椰汁造的，不過味道唔太明顯，但都幾好味。宇治金時：同台灣食既綿綿冰差唔多，小丸子幾煙韌幾有口感，配上甜甜既紅豆蓉同綠茶雪糕。不過唯一不足係綠茶雪糕味味道比較淡，而且奶味較重，不過整體都ＯＫ。

呢間糖水鋪 我已經黎過超級多次 但一直冇打過食評 今日心血來潮好想多啲人食到呢間既龍珠二世！好多時啲港式甜品鋪都係芒果乜乜乜味道分別都唔太大但龍珠二世絕對係我食過最好食既芒果乜乜乜芒果汁底夠濃郁 而且好多細細粒既小珍珠每食一啖都好有咬口好好口感而最令人覺得勝人一籌既地方係龍眼肉！好清甜！係濃烈既芒果甜味中帶出清新既龍眼味真心好食！！而朱古力雪糕亦唔輸蝕朱味濃郁 而且有朱古力薄片係入面好好食！每個月都會專登黎2次 每次都係食龍珠二世但一直都唔會食厭希望多啲人食佢啦😋

現在很多地方吃晚飯都是限時，又沒有甜品提供，總是吃個晚飯時間不太足夠我們相聚閒聊，所以轉場到吃甜品也是必做的事，特別是飯後甜品總是每個女仔所愛的，所以和朋友出來聚聚的指定動作，也是必須一起去吃甜品，才完滿結束當天的聚會。皇室甜品位於佐敦文英街附近，我也不是第1次前來，皇室甜品環境也很舒服，座位不算很多，甜品味道和質素也不差，選擇也算多，價錢又合理。 *********************皇室甜品位於佐敦文英街附近，今天前來，沒想到如此人多，要坐門外，天氣一點都不熱，我們也坐在門外，街上人流不多，坐的也算很舒服。榴槤公主 HKD48，榴槤公主用上榴槤、焦糖布甸和奶凍所製成，入口榴槤果肉也不少，所以榴槤味香濃，底部還有焦糖布甸和奶凍，一起吃時又有滑溜的奶凍和布，感覺不錯。 朱古力心太軟配雲尼拿雪糕和朱古力雪糕，這個需要點時間製作，不過等候時間也不算很久。2個雪糕球的心太軟也很吸引，把心太軟切開，內裏的朱古力漿都幾流心，朱古力味也香濃，蛋糕也香朱古力的味道，整體來說也做的好吃。

皇室甜品由傳統到創新特色甜品亦有，超過80款不同選擇，滿足晒不同口味嘅朋友喜好。 宇治金時: 份量十足，大大個抹茶雪榚球，配上海量紅豆同丸子，加上底層成座山咁高嘅綿花冰，完全可以當飯食咁飽肚！ 椰皇燉燕窩: 採用北海道3.6牛奶製造，大大個原盅椰皇，面層鋪滿燕窩，堅係落足料，食到最後必定要摑埋入面啲椰肉，味道特別濃郁！

雀局後食完正餐雞煲，梗係要食返個甜點喇~~因為都成9點，我地決定去附近嘅皇室甜品食，因為突然想食木筒豆腐花，點知……去到之後，我竟然叫咗另一樣嚟食~~紅豆相思 - 有椰汁、芋圓、蕃薯圓、紅豆、西米、仙草，因為食完燒物、打邊爐，食少少仙草可以消熱氣，不過……個紅豆極甜……好膩……芋圓、蕃薯圓好好味唔怕甜嘅人可以試下(除咗太甜……其實幾好味~)香蕉船 - 大少突然間反老還童，話要食兒童餐 - 香蕉船，真係頂佢唔順XD香蕉船可以揀球唔同味道雪糕，今次佢揀曲奇妙脆、朱古力、雲尼拿

每次係呢頭附近想食甜品，我左諗右諗，最後都會回歸呢款宇治金時嘅懷抱。係佐敦渡船角嘅皇室甜品，係呢個小社區內提供較多款式選擇嘅甜品鋪；但係座位有啲迫，如果6個朋友以上坐大枱都OK，但如果係1至4個人，可以的話我會選擇坐街邊嘅位置。宇治金時其實就你綠茶雪糕＋十勝紅豆＋刨冰＋QQ丸子；特甜嘅粒粒紅豆加上本來淡味綠茶雪糕一齊食，味道剛剛好。最後加上混合咗綠茶雪糕嘅刨冰，令到雖然好"溜"嘅宇治金時，即時覺得清新咗！個人覺得中式甜品一般，但可以試吓燉"椰皇"系列～