屋喔 (已結業)

先前听同事讲呢间食lunch都ok, 所以见今日唔齐人，得2个人，就试下呢间。系门口等咗20分钟先有枱，快快叫2个set lunch等食。餐厅分2层，装修简洁，但见侍应生要攞住啲餐，嘢饮同碗碟走上走落，睇见都觉得危险。虽然啲女侍应著住条热裤啫，咁样走嚟走去都真系替佢哋辛苦。2个人叫咗鸡扒肉燥饭同排骨肉燥饭再跟2杯热姜茶。热姜茶先上，好有”惊“喜，竟然攞个似果jam樽嘅容器来放热饮，冇杯耳冇隔热，点拎呀！冻饮就话啫再嚟嘅肉燥饭系用有耳铝煲盛载，好似露营果款咁，又似饭堂分饭嘅容器(好丑样)，个饭冇热饮咁热但反而用有耳容器(好难明)。整体嚟讲，口味尚可以接受，只系略嫌咸咗少少，杯姜茶就淡咗少少。 至于餐具，见人见至，我就唔太喜欢另外，餐厅除咗加一外，仲会进埋位，唔会蚀底俾你。