影片
更多
2018-04-16
67 浏览
一直都好钟意食烤鱼，openrice揾到呢间好似算系几多好评，就心瘾起尝试吓。餐厅唔算好大间。又好似自修室咁样嘅间隔。见佢价钱唔系话特别抵食，就拣咗食铜鱼。饮品叫咗菊花姜柠蜜，第一次饮呢只味嘅特饮，味道稍为甜，但几特别，姜味好夹，就算配麻辣烤鱼都唔会觉得更加辣。前菜有凉拌麻辣豆芽，芝麻酱沙律。凉拌麻辣豆芽够风味，麻辣而且花椒味十足，但系稍为咸。终于嚟到主角，我哋叫咗铁鱼麻辣烤鱼(江团鱼)，因为会越煮越辣，所以小辣都好够啦。配料好够，芫荽芽菜金菇洋葱够新鲜，特别系芽菜够胀卜卜够甜。烤鱼初初食唔觉得好辣，食到嘅比较多系鱼本身嘅味。条鱼有手臂咁长，鱼够肥美，多肉，新鲜。条鱼先煎过，鱼皮好香口。个人接受到鱼腥，但朋友比较抗拒食腥嘅鱼，就话一开始未入味有鱼腥味。不过慢慢渗入麻辣嘅味道，就津津有味了。亦都因为汤越煮越浓，越食越麻，感觉超过瘾。最贴心嘅系有隔油匙羹，啱晒我呢啲又钟意食嘢又怕肥嘅人，减低啲罪恶感。配料新鲜，有白萝卜鲜冬菇金针菇生菜。肉类系唔净止咁多嘅，不过挂住食唔记得左影相。牛肉脂肪比例唔错，豚肉就略为肥，云吞普通，蟹籽丸系朋友叫嘅，我个人就唔系太喜欢里面嘅芥末味。牛舌少韧。最后两人食
餐厅唔算好大间。
又好似自修室咁样嘅间隔。
见佢价钱唔系话特别抵食，就拣咗食铜鱼。
饮品叫咗菊花姜柠蜜，第一次饮呢只味嘅特饮，味道稍为甜，但几特别，姜味好夹，就算配麻辣烤鱼都唔会觉得更加辣。
前菜有凉拌麻辣豆芽，芝麻酱沙律。凉拌麻辣豆芽够风味，麻辣而且花椒味十足，但系稍为咸。
终于嚟到主角，我哋叫咗铁鱼麻辣烤鱼(江团鱼)，因为会越煮越辣，所以小辣都好够啦。
配料好够，芫荽芽菜金菇洋葱够新鲜，特别系芽菜够胀卜卜够甜。
烤鱼初初食唔觉得好辣，食到嘅比较多系鱼本身嘅味。条鱼有手臂咁长，鱼够肥美，多肉，新鲜。条鱼先煎过，鱼皮好香口。个人接受到鱼腥，但朋友比较抗拒食腥嘅鱼，就话一开始未入味有鱼腥味。不过慢慢渗入麻辣嘅味道，就津津有味了。亦都因为汤越煮越浓，越食越麻，感觉超过瘾。最贴心嘅系有隔油匙羹，啱晒我呢啲又钟意食嘢又怕肥嘅人，减低啲罪恶感。
配料新鲜，有白萝卜鲜冬菇金针菇生菜。
肉类系唔净止咁多嘅，不过挂住食唔记得左影相。牛肉脂肪比例唔错，豚肉就略为肥，云吞普通，蟹籽丸系朋友叫嘅，我个人就唔系太喜欢里面嘅芥末味。牛舌少韧。
最后两人食咗＄436。
张贴
