Valrhona (已結業)

其实成日都会路经金钟太古广场嘅Great，每次见到呢间朱古力店都好想试吓。咁啱有同事调职，咁就谂住买盒朱古力送俾同事。行到counter，一个女售货员走埋嚟向我介绍佢哋公司不同款式嘅朱古力，喺我仲十五十六谂紧买边款朱古力之际，女售货员随即好乐意咁攞出1款经典朱古力俾我即场试食，我打开一试，咦~系72%嘅黑朱古力㖞，口感好滑之余，朱古力嘅香味仲好突出，而且亦唔会一味死甜，果然富有层次于是我二话不说，立即买咗1盒。临近新年，我又买咗1盒多款不同可可度数嘅朱古力番屋企与家人分享，而屋企人亦大赞好味更值得一提嘅系，经理Amii真系好亲切，每次都毫不吝啬咁送片装朱古力sample俾客人试食，仲要多谢客人为佢哋品牌做宣传。佢向我讲，文华酒店都系用佢哋公司嘅朱古力㗎，果真有一定嘅级数。总之，每次离开呢间店嘅时候，客人总会感受到咩叫宾至如归嘅感觉