影片
更多
2023-03-20
323 浏览
鱼众不同酸菜鱼，其实都食过好多次，但系好似未写过食评比佢😂🙈假日两点几嚟到都好多人，全场full晒，见到comment话啲服务员态度唔系几好，我自己又唔觉，虽然楼面得两个人，劲忙，但好殷勤㖞！⭐️一人份系列 - 酸菜鱼 $73佢有分鲈鱼、鲷鱼、生鱼。鲈鱼比较鲜甜，鲷鱼比较爽口，我自己就钟意后者🥳汤底叫做青花椒酸菜汤，食起上嚟更加麻辣！除咗酸菜鱼，仲可以自选两款配料，都系蔬菜类，我钟意叫萝卜、豆皮，可以吸晒啲汤。粉面就叫咗薯粉，佢系会分开上，以免淋晒。食过几次嘅感想都系觉得米线会比较好，因为薯粉应该系一早整好，所以已经放到唔再烟靭😞⭐️腊味煲仔饭 $72之前同朋友食煲仔饭嘅时候，佢话𠮶间煲仔饭唔够呢间咁好食，所以𠮶时都系佢驱使咗我第一次食呢间餐厅😂比起第一次食嘅时候，我觉得今次冇咁好食，好似腊味份量少咗，不过佢嘅豉油甜甜地，加上煲底饭焦干湿程度仲系咁啱啱好🥰佢哋而家开咗好多分店，周围都可以食到啦！
鱼众不同酸菜鱼，其实都食过好多次，但系好似未写过食评比佢😂🙈假日两点几嚟到都好多人，全场full晒，见到comment话啲服务员态度唔系几好，我自己又唔觉，虽然楼面得两个人，劲忙，但好殷勤㖞！
⭐️一人份系列 - 酸菜鱼 $73
佢有分鲈鱼、鲷鱼、生鱼。鲈鱼比较鲜甜，鲷鱼比较爽口，我自己就钟意后者🥳汤底叫做青花椒酸菜汤，食起上嚟更加麻辣！除咗酸菜鱼，仲可以自选两款配料，都系蔬菜类，我钟意叫萝卜、豆皮，可以吸晒啲汤。粉面就叫咗薯粉，佢系会分开上，以免淋晒。食过几次嘅感想都系觉得米线会比较好，因为薯粉应该系一早整好，所以已经放到唔再烟靭😞
⭐️腊味煲仔饭 $72
之前同朋友食煲仔饭嘅时候，佢话𠮶间煲仔饭唔够呢间咁好食，所以𠮶时都系佢驱使咗我第一次食呢间餐厅😂比起第一次食嘅时候，我觉得今次冇咁好食，好似腊味份量少咗，不过佢嘅豉油甜甜地，加上煲底饭焦干湿程度仲系咁啱啱好🥰
佢哋而家开咗好多分店，周围都可以食到啦！
张贴
