影片
更多
2018-08-04
46 浏览
话说上次食来一锅po咗ig story，朋友comment话睇落好正想试下，朋友exchange翻黎之后就即刻带佢黎试下。上次食都已经系几个月前，估唔到宜家都仲系全时段享有85折！Menu同之前一样，都系有药膳火锅同海鲜火锅套餐可选。因为朋友特别中意食海鲜，佢上次就系比我po既海鲜火锅吸引，咁就梗系满足佢既愿望拣翻海鲜火锅套餐。前菜有手拍青瓜&四川麻辣木耳，两者都好好味好爽脆，有少少辣。因为朋友迟到，我就食住前菜等佢，真系食唔停口，好快就清晒，越食越开胃啊真系！食之前按照个人喜好混翻𠮶酱先！锅底有10款可选，真系花多眼乱款款都好似好正咁，所以今次就加咗$68拣鸳鸯锅底，冬瓜白肉卜卜蚬锅&冬阴功海鲜锅，辣同唔辣齐晒，一次满足两个愿望，又可以试多款锅底㖞！上次已经发觉呢度既锅底特别足料，即使叫咗鸳鸯锅，都一样咁足料！冬阴功海鲜锅有虾，青口等海鲜。而冬瓜白肉卜卜蚬真系有好多蚬同白肉，一大旧冬瓜，仲有洋葱，番茄，大葱等等。真系够晒丰富！打边炉唔好睇小𠮶汤底啊，好重要㗎，所以滚咗之后即刻饮翻啖先试真𠮶汤底。冬瓜白肉卜卜蚬既锅底非常鲜甜，而冬阴功锅底酸酸辣辣咁，非常开胃，第一次试泰式既锅底，估唔到
前菜有手拍青瓜&四川麻辣木耳，两者都好好味好爽脆，有少少辣。因为朋友迟到，我就食住前菜等佢，真系食唔停口，好快就清晒，越食越开胃啊真系！
食之前按照个人喜好混翻𠮶酱先！
锅底有10款可选，真系花多眼乱款款都好似好正咁，所以今次就加咗$68拣鸳鸯锅底，冬瓜白肉卜卜蚬锅&冬阴功海鲜锅，辣同唔辣齐晒，一次满足两个愿望，又可以试多款锅底㖞！
上次已经发觉呢度既锅底特别足料，即使叫咗鸳鸯锅，都一样咁足料！冬阴功海鲜锅有虾，青口等海鲜。而冬瓜白肉卜卜蚬真系有好多蚬同白肉，一大旧冬瓜，仲有洋葱，番茄，大葱等等。真系够晒丰富！打边炉唔好睇小𠮶汤底啊，好重要㗎，所以滚咗之后即刻饮翻啖先试真𠮶汤底。冬瓜白肉卜卜蚬既锅底非常鲜甜，而冬阴功锅底酸酸辣辣咁，非常开胃，第一次试泰式既锅底，估唔到几岩我口味。
上次都见识过呢度既即炸响铃&鱼皮，真系好大条好长！落喺冬阴功锅底特别正，索晒啲汤汁真系冇得输
手切安格斯牛劲脊肥牛片真系超好味超正，睇佢油花分布都知正野，最重要既系肉味好浓！！
海鲜按人头上，有鱼、鲍鱼、青口、扇贝、象拔蚌、大虾、贵妃蚌，非常丰富！虽然朋友因为冇生蚝而觉得失落，但海鲜既味道搭够，落喺清汤可以食得出其鲜味，而且又爽口弹牙，呢位中意食海鲜既朋友表示好满足。
套餐包埋手工丸同饺，墨鱼丸同墨鱼酿豆卜真系好正，食落真系有好浓既墨鱼味，又爽口弹牙㖞。
一般既火锅配料都仲有好多可以拣，但其实食晒套餐入面既料再加埋锅底既料，都够饱肚，所以都冇再叫好多其他火锅料。今次又系食到好满足捧住𠮶大肚腩走，有预感之后会再encore来一锅！
张贴
