惠 (已結業)

今日收工超级攰，男朋友约咗我去湾仔食呢间惠！谂住可以好好咁放松吓🤤餐厅喺湾仔地铁站附近，所以地点都非常方便易揾！而且餐厅唔算好大，但系座位好阔落，食吓嘢倾吓计都系几唔错嘅选择！👏🏻好似好耐都冇食过OMAKASE😋真系谂起都流晒口水！整体成间餐厅嘅气氛同埋食物质素都好高质！而且呢度嘅款式可以话系我食过最多嘅款式👍🏻无论刺身，寿司，小食，汤，甜品！亦都各有特色，非常有水准👍🏻👍🏻可以食到唔同嘅鱼，生蚝，鲍鱼！而其中一个我自己好钟意嘅就系呢一个蟹肉甲罗烧❤️一个好令人回味嘅菜式！上面铺满左满满嘅蟹膏蟹肉！一拎住嘅时候就已经闻到好香好香嘅蟹味！而且再加上摆入口嘅时候，成个口腔都充满着蟹膏嘅味道！真系非常丰富！之前喺日本都食过一次，估唔到喺香港都可以食到咁高水准嘅👍🏻👍🏻