糖百府 (已結業)

自从近几个月「糖百府」引入台式雪花冰后，带起了台式雪花冰的热潮，一直都想试试，但始终未有食过。前两日终于在晚饭后来到来一个饭后甜品。哈，今次都几好彩，一入到去就有位（因为食食下外面已经有人要等位）。坐低之后，因为只系第一次试，唔肯定系咪真系好好食，所以只系叫左一个雪花冰两个人分享。呢次试嘅系「番石榴雪花冰」（上次睇电视见苏丝黄好想食都无得食，卖晒，今次既然有得食，一于试下呢个先，下次先试其他味道）。因为有人话散叫比起套装雪花冰抵食d，又可以自己拣配料，于是自己加料，除左「番石榴雪花冰底」外，仲加左蓝莓浆做topping、仲有粟米片、芒果、菠萝椰果同咖啡冻做配料添。话咁快，一大兜堆得高高，令人食指大动的雪花冰已经上桌。一试之后，感觉果然好味！冰冻的的雪花冰，带著清新的番石榴味，混合甜甜地的蓝莓浆，加上偏酸的芒果粒、咖啡味浓浓的咖啡冻和脆口的粟米片等配料，在盛暑之下，的确令人心旷神怡，带给人透心凉的感觉。正！一于试齐所有味道，睇下边种味道最正先！