緣聚西日餐廳 (西裕街) (已結業)

趁学生八达通优惠就嚟完，今日决定去远d既元朗揾下野食。问咗住元朗嘅朋友，佢推介我哋嚟食呢间抵食放题。但位置确实距离元朗站有少少远，但好近出名既甜品店，所以开住地图都唔难揾。价钱果然唔算贵，食物种类都算好多。最令人惊喜就系呢度既饮品有一大个柜都系罐装同樽装啤酒，岩哂酒鬼！刺身就系放题基本，呢度既刺身都好新鲜，象拔蚌同螺都唔会硬到咬唔到，仲好鲜甜。寿司每样细细件，食多2件都唔怕。蒜蓉带子寿司系最令我难忘，好香口，带子size都好够大，唔会得饭冇𩠌。呢度仲有2款烧蚝，虽然size唔算好大但每只都胀卜卜有蚝味，烧完仲好香。热食方面有2款都好正，包括充满咸蛋黄既黄金虾，d壳都炸到好脆，可以成只食！另外烧羊架都好值得一食，唔会有"苏"味，又唔会好多肥膏，冇谂过放题热食都有质素。食埋甜品就大满足，呢度有好多款雪条，挞，仲有豆腐花同乳酪。总结，呢间比较隐蔽既放题真系好抵食，食物质素都高上，上菜收碟都好快手冇甩单，去开元朗会再帮衬。