西貢松記車仔麵

营业中

休息中

依间位于西贡既松仔车仔面,久闻大名多年,都系未食过,虽然会入黎食海鲜,但就真系好少食车仔面。一开始就叫左依个萝卜牛筋腩,依个真系推介,因为我真系对萝卜情有独钟,而且发觉到依到既萝卜炆得好清甜,最紧要既系无咩渣,又唔会太多味精值得一赞。另外佢个牛筋都炆得好腍好滑,又够入味,入落好滑口,加埋佢个牛腩味道都好浓,依个果然唔错。之后就依个盆满砵满咛,依个系依到既招牌车仔面，一碗就有哂鱼蛋、鱿鱼、红肠、萝白、生菜、猪红及鸡翼,咁多野都有,一个人都真系未必食得哂,先试一试佢个汤底,原来加埋咖喱汁,真系几正,令到成碗面既味道更加惹味,追住黎食。之后就系依个招牌猪手, 炆猪手最难就系炆得入味,依到都算做得,另外佢个猪皮有弹性,整体都算好好味。