好包 (已結業)

好耐之前已经听过元朗有一间出名嘅无骨鸡包，不过位置都吾系几方便（对我黎讲吾近地铁站就算系吾方便哈哈），无骨鸡确实出名，仲要大大嚿连埋包食听落去几特别，引来不少注意。店舖内只有两位职员，叫完之后都要等15分钟左右，估唔到都有几个客去帮衬，证明吸引力都几大包装纸上更有「好包」既字系度，最搞笑嘅系有个5分钟内食用嘅温馨提示，可能因为入面都几热，但同时亦会冻得快，所以要快啲食。另外环境方面，侧边有啲石壆位可以坐，有几张好细既茶几既物体摆放系石壆上面，供客人摆个包系上面相机食先哈哈。除咗店内本身嘅餐牌，出面亦有个banner企系度，都几引人注目，但包既款式吾多，只有6款，通常比较出名但又少食物款式嘅小店都可以比较专注咁整𠮶几款食物，所以另外几款都应该唔错嘅。一叫就叫左最出名𠮶款蜂蜜无骨鸡翼包，冇骨又大大嚿真系几吸引嘅食落口超有口感，入面仲有劲多蜜糖，食𠮶阵好论尽，啲蜂蜜流晒出嚟，会搞到只手痴立立⋯⋯鸡肉鲜嫩肥美，应该吾系冰鲜鸡，个人认为蜂蜜同鸡真系绝配。听闻佢既椒盐无骨鸡翼包都好正，有机会都想试吓。P.s. 小店系夜晚8:30就关门，要去记得早啲啊，无谓白行一趟。