影片
更多
2022-10-21
367 浏览
平時夜晚經過見到排晒長龍，原來晚市時段做兩場6:30同8：15，一定要提早book位，好啱長輩慶生，一家大小，朋輩親友，樂也融融。 米之蓮星級餐廳，今晚冒名而來。小食非常高質，無比香脆，一食便忍不住讚不絕口。勾魂叉$188（五件）只限晚市叉燒好淋，無筋無渣，油脂分布均勻，入口即化，肉汁豐富，配合十五年陳皮製作嘅叉燒燒汁，陳皮味超香濃，令叉燒盡情發揮勾魂的魅力。搽完叉燒醬再即場燒灸，更加香口。加強外脆內軟。以金鳳炸香米伴碟，可以碌下叉燒，黏上炸香米口感又唔同，多左爽脆彈牙，而且碌炸米寓意越食越有米。考慮到面面俱全，不愧為米之蓮星級勾魂叉燒，叉燒界絕對是首屈一指貨色，當之無愧。蒜香無骨魚$138其實係九肚魚，外脆內滑，入口松化。相比勾魂叉不算太大驚喜，勝在即炸即食，夠曬新鮮，入口要小心熱辣口感。沙薑雞（半隻$248）採用本地農場新鮮雞，雞肉嫩滑，肉汁豐富，超有雞味，一食難忘，非一般水準。除咗雞肉之外仲有雞雜，坊間好少沙薑雞會連埋內臟一齊上，包括：雞腎，雞干，雞腸，雞心，雞乾好香，內臟絶不輸蝕，非常香口。食完齒唇留香，為味蕾帶嚟衝擊，久久不能忘懷。姜米蒜香龍仔蒸蟹飯$288呢龍龍仔蒸海飯算
米之蓮星級餐廳，今晚冒名而來。
小食非常高質，無比香脆，一食便忍不住讚不絕口。
勾魂叉$188（五件）只限晚市
叉燒好淋，無筋無渣，油脂分布均勻，入口即化，肉汁豐富，配合十五年陳皮製作嘅叉燒燒汁，陳皮味超香濃，令叉燒盡情發揮勾魂的魅力。
搽完叉燒醬再即場燒灸，更加香口。加強外脆內軟。
以金鳳炸香米伴碟，可以碌下叉燒，黏上炸香米口感又唔同，多左爽脆彈牙，而且碌炸米寓意越食越有米。考慮到面面俱全，不愧為米之蓮星級勾魂叉燒，叉燒界絕對是首屈一指貨色，當之無愧。
蒜香無骨魚$138
其實係九肚魚，外脆內滑，入口松化。相比勾魂叉不算太大驚喜，勝在即炸即食，夠曬新鮮，入口要小心熱辣口感。
沙薑雞（半隻$248）
採用本地農場新鮮雞，雞肉嫩滑，肉汁豐富，超有雞味，一食難忘，非一般水準。除咗雞肉之外仲有雞雜，坊間好少沙薑雞會連埋內臟一齊上，包括：雞腎，雞干，雞腸，雞心，雞乾好香，內臟絶不輸蝕，非常香口。食完齒唇留香，為味蕾帶嚟衝擊，久久不能忘懷。
姜米蒜香龍仔蒸蟹飯$288
呢龍龍仔蒸海飯算係非常有誠意，飯量可供4-6人份量，好大隻蟹斬開四件，蟹鉗大大隻啖啖肉，男朋友攞分嘅機會嚟啦，為女朋友開蟹鉗，起蟹肉，一定加分不少。
飯味十足而有蟹味和荷葉香味，非常惹味。
銀杏腐竹雞蛋薏米糖水，甜度適中，材料充足，滑溜嘅口感，帶來圓滿嘅句號，完全體會到滿足兩個字。
张贴
