影片
更多
2004-02-23
30 浏览
下午四点几机场check out，由同事揸车接走，车未到青马桥已经收到损友来电话今日在这里有饭局，问我到唔到。挨左几日鬼佬餐真系食到咀都歪，正是苦思落机第一餐应该食咩，久仰这里的大名但仍未有机会帮衬，今次有好野食当然要拿拿声到。呢度地方唔系太大，得果几张台，都坐得几迫下，但亦有好多人在外面排队，可见人气之盛。地方都算雅致，冷气够晒强劲。六个人，叫左焗鱼肠、炒鲜奶、生炒骨、糯米蒸蟹、椒盐鲜鱿、炸子鸡同蒜蓉炒苋菜。因为在飞机净食雪糕，无食过野，好鬼肚饿，所以特别吩咐叫多几味。焗鱼肠砵仔上，面头焗得脆，鱼肠食得多，但这里的都算是数一数二的高水准，完全唔腥之余，鱼肠亦非常甘香，比一般食肆高几班，是心水推介之菜色；炒鲜奶好嫩滑，有几多的带子肉在内，再加入鲜奶去炒，香滑好味，非常正。炒鲜奶与焗鱼肠是两款这里做得很好的顺德菜，同凤城同以前的益新比又有唔同的风味；生炒骨用士多啤梨及菠萝去炒，酸酸甜甜几开胃，肉没有骨，其实叫咕噜肉都得。可惜肉本身太廋同切得太细件，如果是半肥廋就更甘香可口；糯米蒸蟹要预早订定，蟹肉新鲜又多羔，好味。垫底的糯米饭吸了蟹件的香味，亦都好正，可惜油左少少，有D腻；椒盐鲜鱿亦不错
呢度地方唔系太大，得果几张台，都坐得几迫下，但亦有好多人在外面排队，可见人气之盛。地方都算雅致，冷气够晒强劲。
六个人，叫左焗鱼肠、炒鲜奶、生炒骨、糯米蒸蟹、椒盐鲜鱿、炸子鸡同蒜蓉炒苋菜。因为在飞机净食雪糕，无食过野，好鬼肚饿，所以特别吩咐叫多几味。
焗鱼肠砵仔上，面头焗得脆，鱼肠食得多，但这里的都算是数一数二的高水准，完全唔腥之余，鱼肠亦非常甘香，比一般食肆高几班，是心水推介之菜色；炒鲜奶好嫩滑，有几多的带子肉在内，再加入鲜奶去炒，香滑好味，非常正。炒鲜奶与焗鱼肠是两款这里做得很好的顺德菜，同凤城同以前的益新比又有唔同的风味；生炒骨用士多啤梨及菠萝去炒，酸酸甜甜几开胃，肉没有骨，其实叫咕噜肉都得。可惜肉本身太廋同切得太细件，如果是半肥廋就更甘香可口；糯米蒸蟹要预早订定，蟹肉新鲜又多羔，好味。垫底的糯米饭吸了蟹件的香味，亦都好正，可惜油左少少，有D腻；椒盐鲜鱿亦不错，鲜鱿新鲜，用椒盐炸够香口，送啤酒好正；炸子鸡有炸蒜粒舖面，几香口，但碟头不大，味道不错，但鸡不算浸得很嫩滑，当然至正炸子鸡还看凤城或东宝。
连唔知几多支啤酒，埋单唔使七百多，一人百多元，菜色好有水准，都算物有所值。
话我见识浅薄都系咁话，呢几日来在伦敦食咁多餐，包括在巴黎的两间二星，都无一餐够呢一餐咁对胃口，加上又抵食！果面系咁易锯个麻麻地的扒都十几磅，三星的set lunch更是一百欧罗左右，二星都收五十几六十，但仲未计酒水㖞！
所以话，做香港人，真幸福！
张贴