太爺雞 (已結業)

见打正"镇店"旗号咁有主题，女友又钟意食鸡，就嚟会一会太爷~镇店太爷鸡(半只) - 的确唔错。所有部位都够熟而嫩口，难得，而且唔会大旧肥油。味道就系豉油鸡嘅味道，够味。哩个的确够份量做招牌菜~太爷猪手 - 又系推介之一。大部份猪手起咗骨，啖啖肉，爽脆，麻而不辣，非常讨好~西兰花沙拉虾球 - 麻麻地。啲沙律酱太多而且好似就咁捞埋啲虾球度就淋上啲西兰花度，完全唔觉惹味。豉汁蒸仓鱼 - 味道正常，但细条得紧要。后记 - 虽然除咗招牌𠮶两味之外普普通通，但鸡同猪手都百食不厌，会再嚟试下其他鸡同𩠌菜。