日月堂

营业中

休息中

今日喺观塘收工，屋企冇饭食都系食埋嘢先返去，其实观塘真系冇乜选择，唯有真系揾吓工厂大厦有啲乜嘢食，突然想食台湾嘢见到呢间嘢都好多人推荐。好耐冇食过台湾嘢啦，叫啲小食试吓先。首先点咗个酥炸鱿鱼（$48）同宜兰花枝丸（$38）果然就系台湾小食嘅味道，花枝丸真材实料，每一啖咬落去都好弹呀。真系又鱿鱼须反而争少少味道，可能以前喺台湾食𠮶啲实在太重口味😂另外叫咗个卤肉葱油拌面（$54），好大份呀，好彩系两个人share食，一大碗嘅卤肉，捞落个面度，根本就系肉多过面。另外口痕，叫多咗个芝士肉松蛋饼，其实真系好耐冇食过啦，芝士同肉松系最好嘅配搭，搞到好想去台湾。今日有啲凉凉哋，叫咗两杯热嘢饮，叫咗个百香果红茶（$26）同埋桂圆姜母茶（$20）百香果红茶酸酸美味，劲开胃，个friend有啲唔舒服，饮完姜母茶之后，好暖胃。其实我觉得佢啲饮品好高质，同出面啲茶饮店有得挥，绝对可以当系茶饮咁样拎走外卖。