一起果醬 (已結業)

路过时见到呢个餐厅的果酱口味好似几特别，咁就点左几款食物黎试下佢的jam。香草鸡肉沙律配芒果油醋汁 $79鸡肉好嫩滑好juicy，鸡皮都有d位煎到少少脆，食到有好浓的香草味。沙律菜食落好新鲜，一摆入口就食到好浓的芒果甜味，甜味过左之后就食有醋的味道，酱汁酸酸甜甜，非常惹味。除此之外，沙律菜仲捞左少少果肉，食落口感十足🥰玫瑰苹果酱单骨鸡翼（半份） $26份量有五件，鸡翼表皮烤得好香脆，鸡肉都算juicy，唔会好干好柴。鸡翼表面蘸满左玫瑰苹果酱，都好清楚咁食到玫瑰味同苹果味，食落好香甜好好食。英式松饼配果酱（蛋黄菠萝果酱） $26一见到蛋黄菠萝酱就觉得好过瘾，所以特登叫个松饼黎试呢个酱。果酱闻到有好浓的菠萝味，都闻到少少蛋黄味。果酱质地唔算好浓稠，有d稀稀地，滗上黎时见到好多菠萝果肉。果酱食落能够好清楚咁食到蛋黄味同菠萝味，无谂过蛋黄同菠萝咁夹咁好食，能够互相带起对方的味道，非常好食。松饼烤得外脆内软，食落口感好香脆好绵密。试左呢几款果酱，都觉得好好食，呢个餐厅的果酱的确值得一赞。一起果酱 (尖沙咀)尖沙咀松山道15-17号地下D号舖*上述文章只供参考及以当时价格为准