更多
2021-06-04
260 浏览
果然冰室系 Let's Jam 嘅分支,啱啱开𠮶阵走西餐厅路线,menu 有心机菜,后嚟可能唔系好切合社区需要,所以就转咗走较平民化路线,好抵食。我叫咗个日式吉列猪扒咖哩饭,由于之前喺 Let's Jam 饮过杯用果酱冲,超香超好饮嘅玫瑰苹果茶,所以今次专登加钱将餐饮转做玫瑰苹果果酱梳打。咖哩饭份量足,猪扒炸得好脆,上枱时非常高温,要摊一段时间先放得入口😂,味道正常,肉质就稍为结实咗少少。咖哩汁较为稀身,不过咖哩味都算浓,入面嘅薯仔同红萝卜又腍又入味,好食👍。至于杯梳打,可能因为系冻饮,玫瑰香气大为减少,杯入面嘅冰块亦令味道变得有啲淡,同期望有少许落差😐。下次紧紧紧记要叫热嘅果酱茶😅。
张贴