上海婆婆336 (iSQUARE國際廣場)

营业中

休息中

上海料理可以话系小编嘅Comfort Food之一，呢间主打传统上海菜嘅人气餐厅最近新推唔少菜式，店内环境阔落，空间感十足，座落舒适，适合带一家大细嚟聚餐。冬天当然唔少得食枝竹羊腩煲，滋润健脾，暖胃之选，上枱时咋咋声，羊腩唔嚡，入口即化，汤底清甜可口，仲有枝竹同蘑菇搭配。葱爆牛肉炒得够镬气，牛肉厚切啖啖肉，调味适中唔会过咸，葱都入味，捞饭一流。私心推介黑松露牛油炒蛋，虽然唔系上海菜，但味道有惊喜，真材实料，好厚实，黑松露牛油香气四溢，炒蛋嫩，外层微微脆。另有红烧豆腐，外层煎至脆身，带有咬口，内里软滑，整体性价比高，会Encore。