影片
更多
2014-07-17
6951 浏览
呢晚收工, 同男友仔去荃湾~办好事之后, 就系医肚仔时间…男友仔无咩心水, 我就忽然记起 7080 开咗间兄弟店响呢度!!一于冲上去试下新野 (虽然无 book 位机会渺茫…)商场果度等 lift 等咗好鬼耐, 无计啦!!上到去, 还好时间尚早仲未多人, 侍应姐姐先问有无 book 位~稍等一阵之后, 佢就问我可唔可以 8 点半交枱~望下钟, 而家先 6 点半左右, 2 粒钟咩都够啦, 所以即刻就答: 无问题!!然后, 佢就带我地 2 个坐咗响近门口既位置, 隔离就系气枪射射区~再望下周围, 成间都系 war game 布局, 播住 Korea Pop-Music, 气氛好正!!!每位侍应都系著住军装, 带位既更会手扼指挥灯, 枱面上有一个军人水瓶, 里面系冰冻既…麦茶!? (好似系, 总之好烧暑解渴 feel, 哈哈)当我地开始研究 menu 之际, 就有军人埋黎, 放低每人一 set 既食物 (冻豆腐 / 泡菜 / 腌萝卜 / 洋葱 / 海盐麻油)由于男友仔同我都唔太肚饿, 好快就决定好想要试既少少食材:- 牛肋骨肉 ($128)- 辣猪肠 ($98)- 猪皮 ($78)- 五花腩
办好事之后, 就系医肚仔时间…
男友仔无咩心水, 我就忽然记起 7080 开咗间兄弟店响呢度!!
一于冲上去试下新野 (虽然无 book 位机会渺茫…)
商场果度等 lift 等咗好鬼耐, 无计啦!!
上到去, 还好时间尚早仲未多人, 侍应姐姐先问有无 book 位~
稍等一阵之后, 佢就问我可唔可以 8 点半交枱~
望下钟, 而家先 6 点半左右, 2 粒钟咩都够啦, 所以即刻就答: 无问题!!
然后, 佢就带我地 2 个坐咗响近门口既位置, 隔离就系气枪射射区~
再望下周围, 成间都系 war game 布局, 播住 Korea Pop-Music, 气氛好正!!!
每位侍应都系著住军装, 带位既更会手扼指挥灯, 枱面上有一个军人水瓶, 里面系冰冻既…麦茶!? (好似系, 总之好烧暑解渴 feel, 哈哈)
当我地开始研究 menu 之际, 就有军人埋黎, 放低每人一 set 既食物 (冻豆腐 / 泡菜 / 腌萝卜 / 洋葱 / 海盐麻油)
由于男友仔同我都唔太肚饿, 好快就决定好想要试既少少食材:- 牛肋骨肉 ($128)
- 辣猪肠 ($98)
- 猪皮 ($78)
- 五花腩 ($98)
仲要咗一支… 初级烧酒:
- 初饮初乐 ($70)
牛肋骨肉 : 唔错!! 肉嫩唔”鞋”口, 不过牛味唔浓~ 个人觉得配海盐麻油唔错, 唔会抢咗牛味又有少少咸香, 不过我觉得牛肋…都系炆既正好多!! 哈哈~
辣猪肠 : 正!! 辣度唔太过, 烧得㶶㶶地之后, 更加香口又”野”味!! 用黎送烧酒真系一流!!
猪皮 : 正!! 有 4 块, 同样烧到㶶㶶地, 面脆心软又有咬口!! 不过如果烧得太耐就会变硬, 所以唔想浪费, 就要捉紧时间食, 哈哈!!
五花腩 : 我既最最最爱!! 厚切 2 大块, 肥瘦均匀, 夹埋少少面豉酱+泡菜+芝麻叶+生菜, 哇!!! 真系正到停唔到口~至于果支…. 初饮初乐 : 果然系初哥烧酒, 虽然酒精唔弱, 但系入口就甜甜的~
韩烧又点可以无支烧酒呢, 呵呵呵~食饭之后, 其实仲有时间, 所以都 hea 坐咗阵, 饮埋支烧酒, 就埋单!!
埋完单, 就同男友仔一系去玩枪战!!!! 吼吼吼~
每人玩咗一 round, 又再次证明, 我既眼界真的超级好, 哇哈哈哈哈!!!!
呢度真系有得玩, 又有得食, 一班朋友 garthering 应该黎呢度食下玩下, 所以… 我会再黎!!!
题外话/补充资料：
肉类菜类都系好新鲜!!!
每枱都会有个生菜+芝麻叶篮子, 军人都好醒目, 见到你篮子既菜所剩无几, 佢就会即刻拎一篮黎加比你.. 服务真系超赞!!!
上菜超级快, 不过枱就比较细, 所以会出现好迫 or 无位放既情况...
(以上食记乃用户个人意见 , 并不代表OpenRice之观点。)
张贴
