韓舍 (已結業)

今次专程去食呢个韩式宫廷海鲜锅！期待已久，记得一定要订枱！本身呢间餐厅系主打食韩烧加自助餐，呢个海鲜锅系新出冇几耐，我哋到步时见到其他枱都系食紧韩烧！价钱$298包括海鲜锅同埋自助餐任食，汤底有猪骨汤同泡菜汤可以选择。上锅！超丰富，海鲜好生猛，所有野都好新鲜，面包蟹同龙虾仲郁既，蛏子皇，鲍鱼，扇贝，海虾，大蚬细蚬都有！唯一就系啲蚬有啲有沙。锅下面主要系蔬菜为主，粟米，超甜！整体黎讲呢个价钱真系超抵！时间限时两小时，不太够时间试尽所有野，开始时见到个锅上咗我哋都唔敢出去食其他住，太大锅，食哂海鲜都到最后冲刺既时候喇，出面嘅嘢食目测都好正，同埋都几新奇特别，但真系实在已经有心无力啦！时间紧迫所以都冇影相，热食有韩式，中式野，咖喱，寿司刺身等等，有得自制棉花糖，炒雪糕，章鱼小丸子，适逢圣诞节，有少量圣诞特色甜品，但个人觉得甜品整体好一般！下图呢个pancake睇落好好食咁款，仲要等左好耐，但系其实好难食赞👍🏽呢间餐厅嘅服务态度几好，不时有人留意下我哋啲海鲜煮成点，提醒我哋边样野已经熟可以食，座位亦都好舒适！