Gees Restaurant & Bar (已結業)

今日同男朋友周年纪念。咁岩佢系上环做完野，我就即刻openrice下附近有咩fine dining正，可以食好d庆祝一番☺见到呢间装修好warm, 感觉几宁静舒服，就选择左呢间。我地拣左一个自成一角既位坐，好private, 好舒服。今晚好想叹番杯靓酒😌呢度既wine list都几多选择。简单红，白酒，香槟都有好多选择，而且价钱仲好合理。餐前既包点都系我中意食的，有几款选择。我点左银鳕鱼，同埋一杯evans & tate白酒。银鳕鱼煎得恰到好处，肉质好软滑，鱼汁仲好好咁锁住系肉里面，一切开就渗出黎，好香好滑。拌碟既菠菜蓉超赞👍🏻我相信系加左橄榄油黎炒，菠菜仲好嫩，食落口又香又爽。Evans & tate系我一向饮开既chardonnay白酒。味道偏酸，入口酸中带甜，比较薄，我好喜欢。我都encore左两杯，嘻嘻。最后要赞下佢个洗手间，装修简洁舒服，而且非常清洁，仲有阵阵既香薰味令人好享受。