香港鴻興隆中華菜館 (已結業)

朋友出国留学多年, 衬暑假返嚟探下朋友, 我就当然要带佢食返久违了的中菜。呢间位于尖沙咀嘅中华菜馆, 用上木制椅桌, 加上大量传统装饰摆设, 很有中国传统色彩, 食物都未到, 朋友已经忍唔住要影相打卡啦。呢度嘅糖醋鱼块水准出众, 鱼肉口感极为柔软滑溜, 炸粉够薄, 酱汁甜酸度平衡得宜, 配碗白饭就一流。孜然羊肉薄羊肉片带点羊骚味, 以姜葱同芫茜炒拌, 加上孜然调味, 份外惹味。炒三鲜有薯仔、茄子、青椒, 薯仔切成薄片, 香软入味, 茄子肉够绵滑, 青椒炒得恰到好处, 保持爽口质感, 味道清甜, 正！