影片
更多
2006-10-14
138 浏览
今日去漆咸道报旅行团,谂住去宝勒巷揾野食,行到路口见右手边都有d食肆就行去睇睇,行入d就见到呢间教会餐厅,反正今日无idea,就试试啦。好开放式既餐厅,好有欧洲路边餐厅感觉,一行入餐厅,一位笑容满面既先生已经帮我带位;呢度环境好静都好大,除左为教会/扶贫义卖既东东之外，仲有个band台,真系几特别。南瓜忌廉汤:呢个汤系个位先生介绍既,佢话健康d好饮d。饮落都几好,味道带d香草味,南瓜已经溶晒,不过又唔会太杰,几ok。面包叮得够热,加上软滑牛油,好味。杂菇火腿天使面:等左好耐,上台时出晒烟,够晒热辣辣!!份量望落好细,初初都有d不满,后来至觉得好在份量唔大,因为d芝士汁会有d漏,太多面一定食唔晒。天使面煮得唔错,唔会太淋一pat pat,不过食食下觉得似食炒米粉多过食天使面=p 芝士汁好香,我觉得好好食!配菜既鲜冬菇、火腿、青椒好足,啖啖都有𩠌,正!!芝士饼(+$12):呢度食物唔会有多余装饰,好实在!芝士饼几够芝士味,口感都几软滑,稍嫌饼底淋左唔够脆。冻柠茶:其实呢杯系唔合格既冻柠茶,茶味几淡,又唔系好酸,不过食完立口既天使面同芝士饼之后,柠檬茶就变左救星。虽然我唔系教徒,但我都几钟意
好开放式既餐厅,好有欧洲路边餐厅感觉,一行入餐厅,一位笑容满面既先生已经帮我带位;呢度环境好静都好大,除左为教会/扶贫义卖既东东之外，仲有个band台,真系几特别。
南瓜忌廉汤:呢个汤系个位先生介绍既,佢话健康d好饮d。饮落都几好,味道带d香草味,南瓜已经溶晒,不过又唔会太杰,几ok。面包叮得够热,加上软滑牛油,好味。
杂菇火腿天使面:等左好耐,上台时出晒烟,够晒热辣辣!!份量望落好细,初初都有d不满,后来至觉得好在份量唔大,因为d芝士汁会有d漏,太多面一定食唔晒。
天使面煮得唔错,唔会太淋一pat pat,不过食食下觉得似食炒米粉多过食天使面=p 芝士汁好香,我觉得好好食!配菜既鲜冬菇、火腿、青椒好足,啖啖都有𩠌,正!!
芝士饼(+$12):呢度食物唔会有多余装饰,好实在!芝士饼几够芝士味,口感都几软滑,稍嫌饼底淋左唔够脆。
冻柠茶:其实呢杯系唔合格既冻柠茶,茶味几淡,又唔系好酸,不过食完立口既天使面同芝士饼之后,柠檬茶就变左救星。
虽然我唔系教徒,但我都几钟意呢度,钟意佢够自成一角,钟意佢够静,合乎我要自闭既要求!!而且又唔收加一,真好!不过上菜时间较长,赶时间就要考虑一下。
p.s:寄卖既手工手袋都几靓,自己买左朵花花,加落书包度当堂型左好多(个人意见!! =p)
张贴
