影片
更多
2018-02-28
2176 浏览
一个月一次晌尖沙咀返完集合主日，老婆话带我食晏，有间特色嘢想我试吓，转两转就到咗金马伦道，餐厅就位处一幢商厦嘅一楼，名字叫「柳园」，卖嘅喺甚少见嘅柳州菜。星期日嘅中午，12:00pm未到，踏入餐厅，感觉环境大，地方阔落，啲枱够晒大张之余，枱与枱之间好有距离，无逼狭嘅感觉，兼且干净企理，予人舒服之感。但无乜客，就算食完离开，都喺保持住两、三枱客而已。此外，餐具都颇别致，质感好似石咁。主餐牌好简单，底面两大页，汤面类、小食、冷盘、炒饭面及饮品，一眼睇晒，唔算好多选择。柳州螺狮粉喺佢哋嘅主打，点都要叫一客嘅！另一个喺午市套餐，有多款小炒选择，价钱介乎$48-$52，包一碗例汤或普通热饮及一碗白饭，亦有其他加配优惠。跟同区类似嘅餐厅比，定价唔算高。反转反页喺下午茶餐，所以，顺便介绍埋，有多个配搭组合，定价$39-$48，只包一杯汽水。最搞鬼喺仲有一款鸡腿薯条套餐，卖$28，无特色可言，志在斗平抢客。柳州螺狮粉 $45晌餐牌中唔喺有太多介绍何谓「螺狮粉」，只喺提及有好多配料，包括酸笋、木耳、花生、油炸腐竹、酸豆角、菜脯、榨菜、时菜及肉碎，可以拣大、中、小辣。其实「螺狮」（唔喺五金𠮶啲「螺丝」呀）
星期日嘅中午，12:00pm未到，踏入餐厅，感觉环境大，地方阔落，啲枱够晒大张之余，枱与枱之间好有距离，无逼狭嘅感觉，兼且干净企理，予人舒服之感。但无乜客，就算食完离开，都喺保持住两、三枱客而已。
此外，餐具都颇别致，质感好似石咁。
主餐牌好简单，底面两大页，汤面类、小食、冷盘、炒饭面及饮品，一眼睇晒，唔算好多选择。柳州螺狮粉喺佢哋嘅主打，点都要叫一客嘅！
另一个喺午市套餐，有多款小炒选择，价钱介乎$48-$52，包一碗例汤或普通热饮及一碗白饭，亦有其他加配优惠。跟同区类似嘅餐厅比，定价唔算高。
反转反页喺下午茶餐，所以，顺便介绍埋，有多个配搭组合，定价$39-$48，只包一杯汽水。最搞鬼喺仲有一款鸡腿薯条套餐，卖$28，无特色可言，志在斗平抢客。
柳州螺狮粉 $45晌餐牌中唔喺有太多介绍何谓「螺狮粉」，只喺提及有好多配料，包括酸笋、木耳、花生、油炸腐竹、酸豆角、菜脯、榨菜、时菜及肉碎，可以拣大、中、小辣。其实「螺狮」（唔喺五金𠮶啲「螺丝」呀）喺指石螺，以石螺、猪骨熬汤，配柳州米粉而成嘅一道地方菜式。
配料确喺多，酸笋、酸豆角、油炸腐竹亦较少接触，不过，由于加入酸笋，多多少少有股臭味，未必人人啱食 柳州米粉口感介乎米线同濑粉之间，滑溜得嚟又硬硬哋，但份量唔及平时去食米线嘅多，感觉偏少；汤头比预期无咁鲜香，唔算话有咩问题，只喺无太大惊喜啫。整体而言，只喺一试无妨嘅程度。
西洋菜煲猪骨（午餐）好港式嘅例汤，喺大路货色嘅出品，谈不上有咩特别，唯一就喺胜在够大碗咁啰。
桂花咕噜肉（午餐）$50份量绝对算得上少，女生食就无问题，以一般男生而言，应该喺勉强够，大食啲嘅人应该要加配其他嘢。幸而，以肉排入馔，啖啖肉，个甜酸汁又有微微桂花香，味道本身喺唔错嘅。
晌研究餐牌时发现，个柳州螺狮粉原先定价喺$68，依家卖紧$45，假设佢份量无变，明显之前嘅定价脱离现实。此外，午餐嘅菜式变得大众化，缺乏地道特色，相信喺柳州菜未为港人所接受，作出让步嘅转变，唔知佢哋平日嘅生意点，但单睇帮衬当日嘅午市，势难扭转劣势啫。
张贴
