Springtime (已結業)

终于都回归喇，新舖系另一座工业大厦，好近旧舖，1分钟距离左右。位于8楼既新舖，一出升降机转左就会见到个霓虹光管招牌。谂住入去应该冇错，点知𠮶个位置系厨房加外卖自取，店员就带我地去另一间房间。原来而家系用QR落餐加信用卡比＄，除咗送餐之外其他步骤都不经人手。堂食呢个房间系独立房间，同隔离厨房系分开咗。男友当然点咗佢个招牌手打黑松露牛肉汉堡加薯条，而我就试意大利素菜芦笋云吞伴黑松露酱杂菌忌廉汁加温泉蛋。另外我地叫咗2杯即磨咖啡。堂食位置嘅设计简约，所有嘢都系自助形式包括餐具同埋有麦茶、热水、室温水供应。出餐时间好快，先上的意大利素菜芦笋云吞伴黑松露酱杂菌忌廉汁加温泉蛋，卖相超靓，吉一吉只温泉蛋，好治愈😌个黑松露酱忌廉汁唔太杰身，但可以挂系每粒云吞上面，好好味！我谂应该至少有10粒云吞加埋意大利青瓜粒、芦笋同杂菌伴在一起，十分饱肚！而个手打黑松露牛肉汉堡，面包上台微脆，生菜番茄生鲜，有少少酸洋葱连牛内一齐食，解油腻。牛内都有肉汁锁住，如果可以煎到佢微焦嘅话就会更加好味，反而我又食唔到黑松露嘅味道。薯条亦系我喜欢的fat chip, 不错！至于杯即磨咖啡就比较淡口。整体餐厅质素十分好，见到𠮶啲