木屋大排檔

营业中

休息中

其实我成日都会路经呢间餐厅，而且亦收藏左一段长时间，但感觉要多D人去食先开心，所以迟迟未试。某个星期五终于约到屋企人陪我试😋，当晚6点3左右去到，场内已经半满，以附近咁多食肆黎讲，人流已经算唔错。试新餐厅之前，我通常都会上网做功课，拣定D热门食物，今次都唔例外。首先必点嘅系串烧拼盘，可以试哂猪牛鸡串烧之外，仲可以试埋猪颈肉，岩哂心大心细嘅我😅。串烧拼盘 $148串烧麻麻，偏向干身；猪颈肉中规中矩，肉质未去到好爽但又唔会好淋，不过份量唔少。辣椒膏猪颈肉炒饭 $72上枱果阵有少少失望，因为猪颈肉已经切成碎粒，虽然份量唔少，但存在感偏低。整体个炒饭几唔错，好有镬气，而且够干身，屋企人话最好味系佢🤤。鲜虾炒金边粉 $88本身唔系好想点金边粉，事源有次系上水食过一个超难食嘅伪泰式炒金边粉，而产生阴影后，就唔敢系新餐厅试金边粉。不过今次见佢其他食物质素都正正常常，一于试埋佢。炒粉都好有镬气，加埋辣粉好惹味，虾都爽口，不过无乜虾味，而花生碎就有少少变味，尽量唔好捞埋黎食就无问题。冬阴功明炉海鲜锅 $148呢个几特别，明炉热住黎食，冬天食岩哂。海鲜有青口、大蚬、虾、鱿鱼，另外有大量秀珍菇，底部有粉丝。