酒鍋 (V Point) (已結業)

团年饭通常都系喺酒楼食围餐，但今年我哋打破传统去打边炉。今次呢间餐厅酒窝位于铜锣湾嘅v-point。原来鼎爷私房菜都系在同一幢楼。餐厅个环境好古色古香，一打开电梯门就见到一排鱼缸养住好新鲜既海鲜。行入去餐厅见到落地玻璃出边嘅无敌海景，再加上中国风既装修，在呢度食饭简直系超享受。火锅汤底有好多选择，我哋拣来拣去都唔知点拣，样样都想试。最后决定唔好烦，拣招牌汤底就可以咩都试晒喇。酒火入锅我系呢度嘅招牌汤底，呢𠮶锅分咗五格：中间𠮶格系木瓜汤，旁边有麻辣汤底，龙虾蕃茄汤底，沙嗲汤同埋清汤牛腩。话明酒火入锅，店员会先喺中间嘅木瓜倒入酒再点火，烧完之后就倒入干冰，顿成一个烟雾濔漫，令人觉得置身于腾云驾雾当中。用酒烧过嘅木瓜，你唔会估到系咁甜，唔系普通嘅甜，系非常非常非常甜，夹杂著一份酒香，非常之好食。 安格斯牛肉一条条好似晾衫嘅摆设好有创意。牛肉好新鲜，灼一灼就即刻挟返黎食，好有牛味入口即溶。海鲜拼盘嘅份量都好多，啲虾都好大只，圣子带子都好鲜甜。黑松露饺子非常特别，好有黑松露味，而且皮薄馅多，但唔会一煮就散。呢个玫瑰猪腩肉拼盘好靓，厨师将一片片嘅猪肉片嘅砌成三朵好靓好靓嘅玫瑰花，令人见到都唔舍得食