影片
更多
2012-03-16
126 浏览
友人与鸿哥一见钟情，藕断丝连，食过翻寻味，系都要带我去见识下鸿哥既威力。系佢威迫利诱之下，满心期待，去到同鸿哥只有一面之缘，疑似鸿哥的人正转身离去，撇下鸿嫂坐阵。 落单后等左几分钟，即叫即制新鲜热辣既格仔饼即刻送上，拎上手已经知唔野少。格仔饼既厚度比食开果D最少厚一倍，火候控制得恰到好处，外层金黄松脆，内里香软缠绵，外脆内软，不甜不腻，落足蛋浆，充满层次感，好似食紧脆皮蛋糕，食完饼饼身心都好充实，做人都踏实D。 原味格仔饼 $15成两寸厚既饼饼好有睇头，一啖咬落去，饼肉绵厚，沙糖清甜，配合花生酱的香醇相得益彰，温暖既触感叫人缠绵至死。但说好的炼奶呢？完全食唔出炼奶既香甜，实在美中不足。 朱古力格仔饼 $16朱古力味一食就被原味比下去，开头一厢情愿以为成块饼都系朱古力味，原来只系原味饼底加少少朱古力酱同花生，我恨我天真。朱古力酱唔够香浓，味淡且带苦味，感觉好干好杰，情愿买排朱古力就咁食好过，仲要比原味贵$1，真系唔知有咩卖点呢？ 友人如获至宝，如痴如醉，如狼似虎，如入无人之境。不消几分钟已经将大饼吞噬，差D连纸袋都唔放过。我就喜欢慢慢细味鸿嫂造饼时既心境，享
落单后等左几分钟，即叫即制新鲜热辣既格仔饼即刻送上，拎上手已经知唔野少。格仔饼既厚度比食开果D最少厚一倍，火候控制得恰到好处，外层金黄松脆，内里香软缠绵，外脆内软，不甜不腻，落足蛋浆，充满层次感，好似食紧脆皮蛋糕，食完饼饼身心都好充实，做人都踏实D。
原味格仔饼 $15
成两寸厚既饼饼好有睇头，一啖咬落去，饼肉绵厚，沙糖清甜，配合花生酱的香醇相得益彰，温暖既触感叫人缠绵至死。但说好的炼奶呢？完全食唔出炼奶既香甜，实在美中不足。
朱古力格仔饼 $16
朱古力味一食就被原味比下去，开头一厢情愿以为成块饼都系朱古力味，原来只系原味饼底加少少朱古力酱同花生，我恨我天真。朱古力酱唔够香浓，味淡且带苦味，感觉好干好杰，情愿买排朱古力就咁食好过，仲要比原味贵$1，真系唔知有咩卖点呢？
友人如获至宝，如痴如醉，如狼似虎，如入无人之境。不消几分钟已经将大饼吞噬，差D连纸袋都唔放过。我就喜欢慢慢细味鸿嫂造饼时既心境，享受每一个格仔带来既欢愉。假如有缘再会，我希望鸿哥亲手整鸡蛋仔俾我食！
张贴
