螢壽司 (已結業)

想食日本野，但又怕左食放题，所以朋友介绍呢间萤寿司。行上去本身见到价钱贵贵地都唔太想食，不过又真系懒得再揾第二间，所以都系入左去食。坐低之后发现价钱又好似可接受，加上见到隔离台个啲卖相同份量都系吸引，所以放心哂。先黎左刺身，最抢眼当然系超级厚切三文鱼，入口肥美，之后仲有鲜甜的鲷鱼。而最好味系软绵甜虾，食落甘甜，后尾再追加一份甜虾。呢个烧香鳝好正，肉质弹牙爽口，入口完全唔会有泥味，烧完之后外脆内软，鱼肉仍然Juicy多汁，衬清酒一流！呢个几得意，将蕃茄挖空左，然后放入满泻的肉酱，侧边有冷面同猪肉片，卖相方面的确几吸引。个肉酱好丰富，食到蕃茄的天然酸甜，加埋肉酱粒粒，口感提升左。个面值得一赞，唔会糊成一Pat野，夹起依然条条分明，非常难得。最后点多个素翅乌冬，即时成个人暖笠笠，朋友大赞乌冬入口软滑，汤汁稠度适中，作为ending非常okay。