影片
更多
2023-02-11
2652 浏览
#konggirlss同其他铁板烧一样 餐厅一边系铁板烧区 有几个厨师系度煮紧嘢食 另一边就系普通枱 每张枱都好阔落 我估大家嚟得食铁板铁都想坐铁板区望住厨师即刻煮比你食 如果系嘅话大家要早少少book位 因为呢度铁板烧位好快full哂(≧▽≦) 嘢食方面我地4个人一共叫咗2个special course 另外再散叫嘢食🔻Special course: $550-580/set 1. 前菜: 红酒牛尾 好味好淋 沙律同其他高级少少嘅餐厅一样 系醋沙律 好开胃 2. 配菜: 有海鲜 可以选择虾/ 帆立贝/ 鳗鱼/ 鱿鱼 我地就拣咗帆立贝同埋鳗鱼 帆立贝帮我地一开四后都有肉食 算几大粒 烧得好平均好好食 但系个鳗鱼就略嫌烧得太㶶 同埋佢好薄所以有少少干身唔够juicy 之后仲有炒野菜 其实即系炒芽菜 佢加埋菇一齐落去炒 都几惹味 3. 主食: 可以自选肉类 价钱唔一样 我地拣咗牛& 黑豚肉 个牛系切粒上碟 但佢系烧完再切粒 因为唔系面面都有烧过 系好食嘅 因为都几有牛味又唔韧 个黑豚肉切得好薄 包住啲葱一齐烧 出奇地好食 可以够薄佢唔会韧 之后仲有一碗味噌汤 味道啱啱好唔会太咸又唔会似粉
同其他铁板烧一样 餐厅一边系铁板烧区 有几个厨师系度煮紧嘢食 另一边就系普通枱 每张枱都好阔落 我估大家嚟得食铁板铁都想坐铁板区望住厨师即刻煮比你食 如果系嘅话大家要早少少book位 因为呢度铁板烧位好快full哂(≧▽≦)
嘢食方面我地4个人一共叫咗2个special course 另外再散叫嘢食
🔻Special course: $550-580/set
1. 前菜: 红酒牛尾 好味好淋 沙律同其他高级少少嘅餐厅一样 系醋沙律 好开胃
2. 配菜: 有海鲜 可以选择虾/ 帆立贝/ 鳗鱼/ 鱿鱼 我地就拣咗帆立贝同埋鳗鱼 帆立贝帮我地一开四后都有肉食 算几大粒 烧得好平均好好食 但系个鳗鱼就略嫌烧得太㶶 同埋佢好薄所以有少少干身唔够juicy 之后仲有炒野菜 其实即系炒芽菜 佢加埋菇一齐落去炒 都几惹味
3. 主食: 可以自选肉类 价钱唔一样 我地拣咗牛& 黑豚肉 个牛系切粒上碟 但佢系烧完再切粒 因为唔系面面都有烧过 系好食嘅 因为都几有牛味又唔韧 个黑豚肉切得好薄 包住啲葱一齐烧 出奇地好食 可以够薄佢唔会韧 之后仲有一碗味噌汤 味道啱啱好唔会太咸又唔会似粉沟水 仲有碗炒饭 有蛋黄虾粒去炒 粒粒分明 几有惊喜
4. 甜品: 生果/ 雪糕 餐厅见我地有4人好好咁比咗4份甜品我地 雪糕同牛角水准差唔多
🔻散叫食物:
>Tempura $230 - 炸粉唔会落得好重手 做到天妇罗用炸皮煮熟入面食物嘅精髓
>烧牛舌 - 厚切牛舌 咬落口感几好 烧得啱啱好
>Beef Fried Noodle $120 - 少少失望 话明牛肉炒面 成碟拼埋应该先得一块牛
>Assorted Sushi $550 - 好食 佢大慨有10件寿司 再加6粒卷物 我平时唔生鱼生 都食咗几件
> Duck liver $240 - 好肥美 油香味重 入口即溶 不过佢下面系放咗块方包吸油 而唔系配多士食
最后埋单每人大慨$750 价钱上觉得少少贵 但我地叫咗都几多嘢食 炸嘢煎嘢炒嘢生嘢甜品都食齐 所以我觉得如果系有庆祝活动嚟食都系几好嘅选择嚟嘅！(同埋我地叫咗200ml sake 所以可能都会贵少少…( ´ ▽ ` )ﾉ 仲有一点要提 就系呢度服务好好 你一入去就会有好多waitress欢迎你 因为入面客人唔多 啲waitress好易会留意到你需要 主动问你要咩等等( ^ω^ )
▽ Rating ▽
好食: 8/10
环境: 8/10
推荐: 7/10
人均消费$750/ person
📍松菱日本料理
湾仔港湾道1号会展商场3楼
张贴