丸·茶手作 (葵涌廣場) (已結業)

系葵芳广场入面卖台式饮品嘅店舖真系转个角就有一间。今次想试下间未饮过嘅，所以就去咗呢间丸茶手作。叫咗一杯铁观音奶茶大杯（$21），加咗桂花珍珠（佢写系全球首创的）。可能唔系撞正食晏时间，店舖唔系好多人，唔驶等好耐就有得攞。整体嚟讲，饮品其实系ok嘅，不过略嫌铁观音味道就唔系好够浓，有啲啲嘅失望，下次可以试其他味道。值得一赞系佢个桂花珍珠，系有好香桂花味，但又唔会过甜。呢排饮太多黑糖珍珠，饮下呢个感觉都几清新。下次再饮都会再加呢个桂花珍珠。