丸·茶手作 (已結業)

估唔到連西環都有丸茶手作啦。今日落街行經過見到，舖頭細細間，已經有好多人排隊，見到店舖貼咗好多poster，相信係一間良心小店。本身諗住試紫薯珍珠，但嗰日得三款珍珠供應，桂花，黑糖，同埋蜂蜜。我點左一杯鐵觀音奶茶加桂花珍珠，桂花珍珠聽落好特別，好似未有一間手調飲品有，所以先點呢個。因為冬天同埋女仔要養生，叫咗熱飲。熱飲來講唔算熱，只係微暖，可以即係飲。鐵觀音茶味好濃，而且好香。甜度我叫左小甜，飲落唔會太淡，啱啱好。桂花珍珠桂落好香桂花味，同埋真係有食到一粒粒桂花，估唔到桂花嘅清香配鐵觀音奶茶其實都幾夾唔錯唔錯👍🏻 希望下次可以試到紫薯珍珠啦