甜點糖水坊 (已結業)

今日食完饭，口痕痕，好似争啲嘢，好想食甜甜，于是系兆禧睇下有咩好食。一入去就见到呢间甜点糖水坊。好，睇吓有咩好食先。桃胶椰汁雪燕，店员话呢个系新产品，试吓啦，超多桃胶同雪燕，个椰汁又甜又滑，叫左热的，食完真系好滋润。榴梿糯米糍，大大粒糯米糍，未切开已经闻到好香榴梿味，个糯米糍皮又薄又滑，里面个榴梿肉好大旧。十全十美，真系咩都有，上面有好多水果，芒果好甜好大块，里面仲有椰汁西米同仙草，芋圆都做得好烟韧。