王家沙．花樣年華 (K11 Musea)

营业中

休息中

之前嚟过吃面，原来佢同加入王家沙变成全新2合一的餐厅，装修相好有特色，舖头名叫花样年华，果然周围放咗好多桃花，打卡一流。精选沪式凉菜拼盘$198，有齐最经典嘅上海凉菜，蒜蓉拍青瓜系最好嘅开胃小食；镇江肴肉加上海醋一齐食好夹，减低肥腻感觉。醉嘉美鸡，酒味唔算好浓，鸡肉都几滑。招牌蟹粉小笼包$78，招牌菜果然皮薄汤汁够鲜有少少回甘，整体热度足但又唔会热到烫口，处理得好啱时间。红油抄手$68，唔算好辣，有好香嘅蒜头同麻油味道，增加整体味道层次感。奶黄小麻球$42，炸得酥脆，奶黄唔会太咸，食落去淡淡奶黄香气扑鼻。泰式黑熊珍珠咖啡，呢个饮品造型可爱，平时珍珠奶茶饮得多，原来珍珠咖啡都唔错。