橋底辣蟹

营业中

休息中

路过铜锣湾见到辣蟹搬左嚟新店，于是同朋友就入去一试。入到嚟座无虚席，环境都唔错！嚟到呢度一定要试返个辣蟹啦，佢有好多辣蟹孖宝套餐都系400-500左右，我哋就点左个桥底辣蟹配沙姜鸡半只，一上菜只蟹完全比我哋想像之中大只，好多肉，又实净，煮得好入味，只蟹食得出好新鲜，只鸡都好嫩，鸡肉一啲都唔鞋！我哋都有点下其他小菜，价钱都唔贵，其中柚子骨都几香脆，食得出好有柚子香，件件都好好肉！仲点左个豉椒炒蚬，蚬肉都好新鲜，份量都好多，豉椒炒得好香，够镬气！铁板姜葱田鸡，田鸡件件都好好肉，铁板上食落更加香口，配饭一齐食简直一流！虽然搬左地方，但水准都仲系唔错！