影片
更多
2023-12-21
897 浏览
难得一日去天后附近做嘢，约咗个客10 点，不过我未到九点已经到咗，无所事事咁不如去食嘢先。就系附近有间茶记叫大不同，个名咁不同就不如试下。一入餐厅感觉有啲昏暗，仲隐隐约约有种异味，不过气味唔算浓都可以接受，只系冷气好似唔多通风咁。自己揾位坐低，枱櫈有啲痴立立。成个场目测只有一位女侍应，收钱执碗抹枱送餐一脚踢，我打个招呼佢叫我等等，咁人哋唔得闲我又有时间，咪等下无所谓，点知一等10 分钟，见佢继续做佢既嘢仲得闲同熟客吹水，完全无打算理我，咁我又嗌声佢，答案都系等等，不过今次真系等两分钟就过嚟。点咗个早餐沙爹牛肉面，煎蛋肠仔，热拧茶。见厨房师傅水吧又系得一个人，咁即系又唔会快，果然又系一等十几分钟终于个餐嚟齐。沙爹牛肉面：沙爹够香浓可惜啲牛肉梅梅烂烂一pat，咬落佢仲淋过豆腐，好奇怪质感，有啲牛肉会硬身啲，怀疑有啲系隔夜翻煮变到淋之之，反而个面好似未煮熟咁仲几硬身。肠仔应该系大陆或者中东货，唔确定但就唔系香港人食开𠮶啲。煎蛋无咩好评论，普普通通。个奶茶就真系热过熔岩，好彩我唔赶可以慢慢饮，茶味都可以，但奶太多。花咗廿几分钟等餐再用三十分钟食完，唔知算唔算耐，不过食完啱啱好去见客再食。原本一
点咗个早餐沙爹牛肉面，煎蛋肠仔，热拧茶。见厨房师傅水吧又系得一个人，咁即系又唔会快，果然又系一等十几分钟终于个餐嚟齐。
沙爹牛肉面：沙爹够香浓可惜啲牛肉梅梅烂烂一pat，咬落佢仲淋过豆腐，好奇怪质感，有啲牛肉会硬身啲，怀疑有啲系隔夜翻煮变到淋之之，反而个面好似未煮熟咁仲几硬身。
肠仔应该系大陆或者中东货，唔确定但就唔系香港人食开𠮶啲。
煎蛋无咩好评论，普普通通。
个奶茶就真系热过熔岩，好彩我唔赶可以慢慢饮，茶味都可以，但奶太多。
花咗廿几分钟等餐再用三十分钟食完，唔知算唔算耐，不过食完啱啱好去见客再食。
原本一间普通茶记真系无谂过写食评，所以连相都无影。而系呢间大不同对面有两间光鲜啲睇落高质啲既茶记，但就系睇大不同个样够街坊，先入去试下，结果真系一次就够。
佢哋既沙牛真系太梅烂似系翻煮又翻煮。而得一个人做既大妈侍应又抹完枱执完碗又去送餐，加埋个场清洁一般，睇落有啲污糟。但最令我唔会再去既原因系大妈对客人爱理不理，同客吹水都唔落单，叫两次都系等等，作为一个生客感觉几差。想问下，妳无生客，边得嚟熟客呢？
张贴