炊豕店 (威靈頓街) (已結業)

呢间舖头都开咗一段日子，每次经过都见到好多人排队，心谂一定系好好食㗎喇。星期五特登早少少放食饭，搭正12点就出门口，去到12:10，已经要排队啦。排队嘅时候望入去，见到客人碗饭好似几大碗咁，块猪扒亦都好似好厚。我同大少叫咗肉燥汁猪扒饭，同埋梅菜扣肉饭。我肚饿到连相都唔记得影，可能太肚饿所以就觉得肉燥猪扒饭味道唔错。但系大少𠮶个梅菜扣肉饭就认真好唔掂。啲扣肉好嚡，食落去嘅感觉好似食紧煲完汤嘅瘦肉咁，唔系太入味。大少食到一半已经冇再食扣肉，只系用梅菜捞饭。炸猪扒味道唔太差，但系而家夏天烈日当空，如果要排队嘅就可以唔需要特登去试，买外卖有折头，又唔需要身水身汗咁等，可能会更加好。