蝦棧 (已搬遷) 新店位置

好少会见到一间用虾煲做主题的餐厅，我叫做虾煲，其实系各式各样不同口味煮法的虾料理。再加上台湾特式食品，足够吸引满场食客。咸蛋黄虾($208)6只大头虾都包裹著咸蛋黄芡汁，份量好多所以味道好浓郁，浓味到我地点左一碗白饭，加上咸蛋黄食十分滋味。虾每只都好多肉好大只，而且好新鲜，食啖好鲜味，加上咸蛋黄煮完后更加惹味。小食拼盘($58)小食拼盘有枝豆﹑溏心蛋和麻辣云耳。个人十分喜欢麻辣云耳，因为有好香又刺激的花椒油的香味，加上微酸的醋香，味道调得刚好，而又令人十分开胃。糖心卤蛋卤得好入味，食落仲带有甜味，而且蛋都煮得好滑溜。麻辣臭豆腐($78)虽说是臭豆腐，但一点都唔臭亦唔算太麻，反而系好香卤水味，仲带有微辣调味更加开胃。臭豆腐食落似冻豆腐质地，将酱汁的香味都吸收晒，好入味。水蜜桃雪葩($68)水蜜桃雪葩是整个都可以食的，将水蜜桃中间挖空，再加入好丰富足料的水蜜桃雪葩，每啖都十分清甜水蜜桃味道。连果肉都可以食埋。南瓜雪糕($68)可爱的小南瓜中间挖空，又放返浓味的南瓜雪糕落去，食落味道浓到好似用南瓜肉打成的雪糕一样。食得好满足既一餐。仲有好多种口味煮法的虾都仲想试，下次一定会再试下其他款式。