源記餐廳 (已結業)

今晚同老公去时代广场UA睇戏，开场前先到附近揾下野食，原来源记餐厅在时代广场斜对面开咗分店，佢地有港式茶餐，烧味同潮州卤水粉面，多元化供应，老公最钟爱食佢地嘅牛杂，可能时间尚早，店内客人唔多，唔使排队，梗系立即入去食啦😄老公要咗牛杂捞粗面，牛杂系牛蒡、牛肚、牛肠同牛腩，牛杂卤得好入味，牛腩够腍，牛肠咬落甘香，又唔腻口，牛肚够爽，粗面又冇碱水味，正😋我就叫咗油鸡烧肉双拼饭，烧肉带少少肥先最好食，皮脆，唔太咸，落有肉汁，豉油鸡鸡肉嫩滑😋侍应阿叔手脚快，礼貌好，执枱又爽手，给赞👍🏻