Cafe Paradise (杏花邨) (已結業)

Cafe Paradise喺杏花邨站嘅杏花新城，所以交通非常方便。餐厅用色主要系粉蓝色，环境非常梦幻，有好多打卡位，有旋转木马，仲有我同朋友坐嘅南瓜车，好啱父母带埋小朋友嚟，或者系成班姊妹嚟食下野打下卡，真系少女心都返晒黎啊。餐厅都好阔落，啲位好松动，所以都坐得好舒服。嚟呢度食嘢真系会忍唔住影好多相。我同朋友两个人叫咗一个$218嘅二人餐，已经有汤，沙律，主菜（烟鸭胸茄汁天使面& 6分厚切西冷牛扒配烧汁），甜品同埋餐饮。餐牌仲有好多选择，有pizza，牛扒，意粉饭等等，最平嘅都系几十蚊，可以话系非常之抵食。我见外卖自取仲有九折添。我𠮶晚嘅两位男侍应服务态度都好殷勤，女侍应就着咗鱿鱼游戏嘅绿色套装，好紧贴潮流啊。我食西冷扒，食物质素同价钱成正比，扒好大块，配菜丰富，有薯仔，车厘茄，翠肉瓜，粟米笋，呢个餐几抵食。