Bread and Bistro (已結業)

星期日同男朋友入黎黄竹坑行下食个lunch。番薯藜麦沙律可能系我见过最大碟既沙律。番薯有炸过，味道似台湾既番薯条，又脆又甜又大块，好味道。沙律菜新鲜，估唔到会有薯格。日式咖喱配流心芝士汉堡，温泉蛋汉堡切开睇到流心芝士真系好邪恶，日式咖喱十分送饭，大碟饱肚又好食。时令水果梳乎厘班戟卖相好吸引，食落亦有惊喜。餐厅用乳酪取代忌廉，健康好多。班戟好松软，唔会得啖风，蛋味够香，两块大大旧又厚身，超正，一定要食。Dolci Mocha好好饮，咖啡同朱古力味平衡得好好，香浓幼滑。招牌水果茶好清新，好适合饭后黎一杯。