十侍 - 棉花糖A5和牛壽喜燒專門店

营业中

休息中

🩶壽喜燒二人餐，呢個套餐真係好多嘢食，餐廳採用嘅係鹿兒島嘅高級A5黑毛和牛，每件都有一個膠袋包住，睇落都真係非常高級，而且套餐嚟講每人可以有三件，其實我覺得淨係牛肉嚟講我哋兩個女仔，都真係好容易飽😌😌😌 不過餐廳仲會送多張證書俾我哋，會證明呢一批牛肉嘅產地，係來自鹿兒島，而且佢嘅雪花好平均，絕對唔會好肥，而且佢係和牛嘅質素，所以食落去都係信心嘅保證，肥瘦平均，而且睇落都已經非常高級，我同我嘅朋友都非常期待！湯底嚟講，餐廳會用自家製嘅棉花糖，再加埋本身嘅壽喜燒汁，營造一個用棉花糖，而造成嘅鍋底，壽喜燒本身嘅汁唔多，係原汁原味，壽喜燒汁甜甜地，加埋牛肉本身嘅新鮮，真係非常入味，而且牛肉本身嘅質素非常高級，所以條調味都唔使加咁多嘢，整熟咗之後，加埋本身餐廳俾我哋嘅日本雞蛋，調味上非常足夠，唔需要再額外加任何調味，或者豉油，餐廳喺其他嘢食方面都做得唔錯，特別鍾意佢嘅白桃梳打，甜甜地加埋梳打水，非常好飲，好有日本嘅風味，餐廳係最後嘅套餐亦都有甜品！係我最鍾意食嘅雪糕，雖然只有一隻味，就係柚子雪糕，味道非常好，亦都唔會太甜，我同朋友都非常鍾意食！價錢都唔太貴，有機會再返嚟幫襯，值得推介俾大家！