十侍 - 棉花糖A5和牛壽喜燒專門店

营业中

休息中

一向中意食锅物，今次比我揾到位于旺角呢间十侍棉花糖寿喜烧餐厅有惊喜，会再约朋友黎食。首先餐厅门口有一尊日本武士摆件，好draw到attention. 餐厅环境气氛不错，座位唔算多，但胜在无甘挤逼，可以好好同朋友享用晚餐。我地两人点了二人寿喜烧套餐，经店员推介后，另外点了炸虾同埋串烧并盘。串烧都以肉为主，猪牛鸡样样都有齐。细心加分位系会连埋炉仔上菜，就唔会挂住倾计令到串烧冻左。寿喜烧采用日本鹿儿岛和牛，果然系有不同。店员会喺你面前解封一盒盒嘅和牛，而且会略为介绍一下，见到和牛雪花均匀，就知系好野，完全无令人失望！寿喜烧汤底甜而不腻，加上棉花糖味都唔会太甜。店员好好，每样食物都有先介绍，仲会帮手煮。饮品试左乳酸特饮，唔会太甜，而且大大杯。套餐内的蔬菜拼盘睇落以为唔够食，点知原来二个人食都好够，而且仲有乌冬，最后二个人捧住个肚走。