影片
更多
2016-04-18
1097 浏览
「甜品森林」喺美孚区少有打正旗号嘅甜品铺，前后都试过几次，不过，印象都唔喺好深。你话好好食又唔算，好差咩又未至于，最有印象就喺佢铺位「豆腐润」咁。最近，美孚街坊老友同我讲，甜品森林有个新转变，就喺扩充咗，晌隔离加开间大铺叫「森生活」，卖好多健康产品之余，仲兼做饭市 ，主打套餐，依一晚就拉咗两位街坊一齐嚟食。入到餐厅内，当然咪以为会布置到成个森林咁款，低装修简约，楼底算高，楼櫈配衬都比较杂，少少家居感。所有食物出品，都喺由隔离甜品森林个厨房一手包办，再从两个单位打通嘅小窗户传过嚟。从门面，做咗一格格嘅柜，已见摆放咗好多健康产品，上到阁楼，别有洞天，一角都喺健康、环保嘢 。不过，见佢阁楼都未用尽，仲有好多空间，或者第时有更多发挥。佢哋个套餐好简单，主菜 + 餐汤或饮品，卖$45；主菜 + 餐汤 + 饮品（名为甜品森林全餐），卖$50，供应时间：12:30pm-4:30pm及6:00pm-9:00pm，无加一 。餐汤虽然写住有4款，不过，是晚只有南瓜汤及什菌汤供应。 南瓜汤 虽然间铺营运感觉都家庭式啲，但做个南瓜汤都似模似样，撞忌廉，下黑椒碎，朋友觉得味道唔错，个南瓜味几香甜。而
入到餐厅内，当然咪以为会布置到成个森林咁款，低装修简约，楼底算高，楼櫈配衬都比较杂，少少家居感。所有食物出品，都喺由隔离甜品森林个厨房一手包办，再从两个单位打通嘅小窗户传过嚟。
从门面，做咗一格格嘅柜，已见摆放咗好多健康产品，上到阁楼，别有洞天，一角都喺健康、环保嘢 。不过，见佢阁楼都未用尽，仲有好多空间，或者第时有更多发挥。
佢哋个套餐好简单，主菜 + 餐汤或饮品，卖$45；主菜 + 餐汤 + 饮品（名为甜品森林全餐），卖$50，供应时间：12:30pm-4:30pm及6:00pm-9:00pm，无加一 。
餐汤虽然写住有4款，不过，是晚只有南瓜汤及什菌汤供应。
南瓜汤 虽然间铺营运感觉都家庭式啲，但做个南瓜汤都似模似样，撞忌廉，下黑椒碎，朋友觉得味道唔错，个南瓜味几香甜。而且，餐汤都唔喺大路嘅红汤、白汤，足见诚意 。
什菌汤 小弟则试试佢个什菌汤，稀杰度都啱啱好，入口都几顺滑，只嫌个菌味未够突出，但其实比起好多茶记嘅白汤（白菌忌廉汤）好饮，因为其实𠮶啲只喺忌廉汤加几片白菌片，无菌味可言。
主菜共有7款，意粉、烩饭、沙律，并加两款手工面包，手工面包好似几特别，但有啲怕唔够饱，所以，拣咗个饭，两位街坊朋友都拣意粉。
鲜菌杂菜烩饭（忌廉汁） 小弟对菌都有少少偏好，所以，就拣依个烩饭，感觉有少少意大利饭嘅影子，但食落又未至于好似意大利饭咁烟韧。饭内混入杂菜粒，不过，鲜菌就似乎少咗啲，还好个忌廉汁不多不少，挂满晒晌啲饭粒上，而又唔会水汪汪，充满忌廉嘅奶香，再者，份量颇大，食得小弟饱晒。
香蒜蚬肉意粉 虽然下咗唔少蚬肉，但睇落卖相有啲寡，感觉亦干身咗，不过，朋友嘅食后感就话啲意粉几有蒜香，啲意粉干咗少少，但都几咬口。建议下多少少橄榄油都无妨，一来橄榄油都算健康嘢，二来个意粉无咁干，食落都好味啲 。
鲜茄烟鸭胸意粉 相反，碟烟鸭胸意粉好似几吸引，小试一炷，其实啲意粉又真喺算做得唔错，始终用鲜茄做酱，既吸引，又醒胃，况且个蕃茄酱的确几鲜活酸香，果然新鲜。烟鸭胸都喺来货居多，用料唔太差倒风险甚少。
饮品选择，唔喺华田、啡茶，喺超健康自家制嘅仲夏养生醒神特饮：柠檬香茅茶、菊花罗汉果茶、蜂蜜洛神花茶，仲贴心到可以拣冻、暖或热 。而且，餐厅更备有一张简介，介绍依几款茶嘅特点同功效。
菊花罗汉果茶 朋友拣嘅饮品无试，就费事写，写番小弟所拣嘅菊花罗汉果茶。真喺见到茶面仲浮吓浮吓啲菊花碎碎，店主强调喺自家制之余，仲喺无添加，个茶嘅甜品喺嚟自啲罗汉果，饮落带有淡淡菊花清香，唔好理个功效喺点，至少味道几好！
原来甜品森林不经不觉开咗8年，近来为庆祝开业8周年，除晌优惠周指定甜品去返8年前个价之外，仲有其他庆祝活动，如自家零售品牌优惠、分享活动等等，实行与民同乐 。
此外，惠顾任何套餐，可用优惠价$13加配是日精选糖水：马蹄露或绿豆沙。所以，我哋3个人，就样样试晒。
芝麻糊 +$15 初头以为好杰，但捞一捞番匀，几滑溜，因为自家生磨，的确几香芝麻味，又无太甜嘅弊病，仲几大碗吓，朋友都食唔晒，要揾佢老公顶上。
绿豆沙 +$13 虽然普普通通嘅一碗绿豆沙，但朋友都赞，皆因喺落香草（其实应该叫臭草），非海带，加上啲绿豆煮到起晒沙，味道、口感同样深得老友心。
马蹄露 +$13 芝麻糊、绿豆沙都算久唔久有食过，但马蹄露真喺无十年，都有八载无食过。个冰花马蹄露真喺好得，咪以为我吹水，啲蛋花打得平均、细片，有时出面食腐竹蛋啲蛋花打得求其，打到一嚿嚿架；马蹄粒切得细碎，唔会时大时细，亦下得唔少，啖啖都食到马蹄粒，而且个马蹄露入口感觉确喺几清润 。
马蹄露
27 浏览
0 赞好
0 留言
或许，今晚所试嘅几道主菜未有太突出嘅表现，不过，饮品大卖健康概念，而几款中式糖水又的确食得到所花嘅心思，整体而言，值得俾佢高分少少。
张贴
