甜品森林

营业中

休息中

小店面積細，座位不多，光顧的多數是附近的居民，大家都不太介意桌子和椅子之間的距離很接近。今天點了蜆肉鮮菇片少少辣香蒜汁意粉，另加了菇湯。意粉偏軟，但又不至於太軟，份量很多，蜆肉和鮮菇也很多。醬汁蒜蓉味香，真的只有少少辣，下次我可以試小辣。菇湯有香濃的菇味，而且湯裏滿是切得細碎的菇，口感也很好，我覺得這兒的湯真的是很好味。這店的一個特色是牆上、餐牌甚至紙巾盒上都是店家手繪的圖案，很漂亮。店中由一個店員負責落單、送餐和結帳，他工作效率很高，也很有禮貌。

區內開業多年嘅街坊小店，非常有人情味，入到去大家會認得，噓寒問暖，睦鄰關係一流，根本唔需要我幫佢哋push生意。屋企人周不時捧場食甜品，尤其是係果凍，因口感非常「彈」，令屋企兩個啫喱控為之着迷，每次我都會起碼買四份（共16件）先食得夠皮，每份$28。佢哋啫喱多數會有檸檬茶味、洛神花味，今日有期間限「茉莉綠茶味」，呢個係我嘅至愛；淡淡嘅茶甘香，唔係太甜，食完都唔內疚。佢另外仲有簡單的午餐晚餐，係比較健康嘅意粉或者飯餐，我未食過，遲啲搵機會試吓。

又到WFH周圍覓食嘅時間，心血來潮想食糖水，見美孚新邨有間糖水鋪叫甜品森林，就膽粗粗入去試下～地方唔係好大，大概有三張4人枱，間隔幾闊落，坐得幾relax~最後叫左個合桃露、桑寄生茶。桑寄生茶甜度適中，但唔覺唔覺就食完所以唔記得影📷；合桃露比平時街邊嗰啲厚身，食落幾足料又正好啱我，如果有幾粒合桃放喺面就更好😋見舊post有正餐，但今日一心想食糖水，冇留意menu，唔知而家仲有冇，有機會一定再試～

😚 啱啱嘅五一假期，抽咗半日時間去幫襯小店！揀咗去美孚嘅甜品森林。小編上年嚟嘅時候，正值疫症最嚴重嘅時候，小店只做外賣。依次可以堂食啦！🤗🥣 濃湯銀針粉 😋😋😋😋湯比想像中清，有陣陣冬菇同蔬菜味，上枱前非常熱辣辣！銀針粉軟硬適中，配湯食帶鹹香，有少少肚餓，但又唔想食正餐嘅朋友，可以考慮叫食款小食！😁🍮 焙茶牛奶布甸 😋😋😋😋面頭係薄薄一層焦糖啫哩，中間係好柔軟綿滑嘅牛奶布甸，低層係好濃郁嘅焙茶奶凍，整體食落好甜，味道幾夾！👌🏻下午茶 💵💵 約港幣$60/人💁🏻‍♀️ 佢哋都會提供正餐，仲有素食！座位約有十個，而有啲街坊都會選擇外賣自取。題外話：小編發現佢嘅掛喺牆上嘅餐單同插畫係手寫同手繪！好正！👍🏻最後，喜歡嘅話，歡迎follow @foodirectory.hk！

隱藏在屋苑裏找到這一間家庭式經營的甜品店，細小的綠色門口，店內有幾張枱，不過坐喺度食飯我會完全感受到店員們的友善和親切😊🥘 唔係正宗海南雞配紅米飯 (HK$58)．紅米飯上鋪滿手撕雞肉，淡淡的調味帶出鮮雞味，淋些微辣秘製青醬汁一齊食好好味😋🥗 豆腐芝麻醬和雜果小杯．豆腐滑一滑，配芝蔴醬，好味呀．下面有多款水果切粒 — 菠蘿、西瓜、火龍果、蜜瓜🥕 甘筍南瓜湯．有甘筍和南瓜這個配搭打做湯蓉，味道一定甜，仲有粟米粒口添☕️ 菊花羅漢果茶．店員請我飲因為佢只剩返半杯左右，不過因為煲底，我覺得羅漢果味特別濃郁，好好飲喎！🌱 有機香草綠豆沙 (跟餐 +HK$18)．煮到起沙的軟滑綠豆，少甜的甜度，好食😋

舖仔細細，有家的感覺。有唔同嘅餐可供選擇，份量都好足夠~個湯有驚喜！飲落去唔會漏，好似係用椰奶煲？啖啖湯都有蓮蓉，足料！加少少錢就有甜品，點咗黑糖焙茶奶凍，好食😋有機會一定再嚟😊

又一個假日📆，本身諗住去美孚某一間打卡Cafe，上網check清楚先發現又係某某連鎖品牌🔵，即時轉場去其他舖頭。喺OpenRice見到呢間小店幾特別，有主食又有甜品👌🏻。Why not?小小店舖只有3-4張檯🪑，日系style裝修又有港式甜品，手寫餐牌更感溫暖，當日只有媽媽Feel店員同一個男廚師👨🏻‍🍳，用簡單嘅食材煮出窩心嘅味道。令我諗起日後都想開一間咁嘅小店，媽咪賣糖水餃子🥟，我賣蛋糕🍰，你會唔會支持先？————————————————👅 森林套餐（$58）👍🏻有一份煮食配靚靚素湯或者是日自家製飲品，加多$18仲可以食埋飯後甜品，我哋叫咗兩個餐，所以每樣都有兩份🔸主食🔸👍🏻蛋黃醬煙肉鮮菇意粉難得蛋黃醬唔膩口，鮮菇彈牙🍄，意粉份量同充足配料一定夠飽👍🏻和風肥牛紅米飯甜甜的壽喜燒汁🐮，有菜有肉又有芋絲，配搭健康，好溫暖🔸飲品🔸👍🏻檸檬博士茶博士茶聽講好養生🎓，第一次飲原來味道咁獨特，有檸檬無咁Odd，整體唔錯嘅👉🏻雙花茶係菊花x玫瑰花🌹，平時嘅菊花茶又多咗玫瑰味.🔸甜品🔸👉🏻焙茶牛奶布甸配黑糖啫喱黑糖味比較突出，焙茶反而唔係好食到🙈👍🏻紅豆紫米露可選椰汁/花奶，有好多紅豆同紫米🫘，質

因為疫情所以轉左外賣形式，可以糖食但係碗會係外賣盒。鮮菌雜菜燴紅米飯呢個本身係疏花所以會清啲，主要由鹽調味。燴飯加咗忌廉撈埋其他材料。飯入面有粟米粒，冬菇片，瓜粒，南瓜粒 同baby corn粒。粟米粒食得出唔係罐頭粟米係原條新鮮粟米拆出嚟，而瓜粒爽口食到蔬菜嘅鮮甜味。雙花茶菊花+玫瑰花菊花味突出啲，聞落去同第一啖飲落去都飲到菊花味。飲到最後就會飲到淡淡的玫瑰花味。甜度適中。

這間美孚黃店雖然是甜品專門店，但也售飯食，新年還可預訂蘿蔔糕。這店位於美孚新村內，主要做街坊生意，裝修走日系風格，放置了一些陶瓷工藝，及社區報“孚聲”💛。店主常與客人交流，人情味濃厚。.食物選材新鮮，價錢親民。Lunch set $58，主菜再加一個湯或飲品。我點了意粉，正常發揮，不會太膩。老公點的飯則是重量級🤣，芝士配勁多黑芝麻和白汁醬料，好邪惡！我不停偷食拉絲芝士。.大家來美孚都可以支持下這家庭式小店，下次我會試下他們的招牌甜品😎.🍝 蛋黃醬煙肉鮮菇意粉 $58 🧀 芝士雜菌龍脷魚柳珍珠米 $58

呢間甜品森林見好多人食過都話好食 特登去美孚試試佢 一入到去 雖然佢哋係小店 檯櫈得幾張 但係佈置得好有心機 木系有種好溫馨嘅感覺 仲要全部menu都係人手繪製寫字🤯啲字仲好靚omg 望到好開心😍佢哋最出名係甜品 不過我太飽喇 淨係甜品menu都睇到眼花撩亂😵-隱藏menu嘅海南雞飯都好多人介紹 可惜我去到已經賣哂 唯有叫其他🥲最後揀咗同樣喺隱藏menu嘅牛肉飯 重點係有得轉紅米飯架 抵食又健康👍🏻(但係我唔記得幾錢🤦🏻‍♀️大概$58上下)-🍱和風肥牛配紅米飯啲牛肉整得都唔錯 雖然肉質有啲韌 但係充滿肥牛嘅油脂香 份量又多😙紅米飯同牛肉汁都好夾 伴碟嘅蒟蒻絲索哂啲汁好正😋幾特別 因為通常關東煮先會食到 最重要加咗我鍾意食嘅西蘭花🥦-飲品方面貪得意叫咗檸檬博士茶🍋博士茶不含咖啡因 仲可以抗氧化 係大人細路都啱飲嘅養生好茶☕️聞落唔知點解我覺得有啲似無比滴🤣飲落就有少少涼涼地嘅感覺 -另外佢哋服務態度都超級好！尤其店員叔叔 好親切又有禮貌☺️仲特登行出嚟幫我落單 真係一間好有人情味嘅小店 下次要嚟食糖水🥰

足料好食隱世甜品美食小屋除左傳統甜品 仲有西式 日式甜品 另外仲有熱食供應 店舖小人情味滿滿唔係正宗海南雞飯 有別於一般既海南雞 係用自己調校既方法去浸雞再拆絲雞絲配以酸辣汁 芝麻醬雜果豆腐做伴碟小菜 雞絲嫩滑食得方便 本身已經好香雞肉味鮮果豆腐沙律幾特別,加埋芝麻醬又香甜又少少咸個味幾清新 雞絲可以夾酸辣醬食,味道更突出和式牛肉 即係壽喜燒汁牛肉 仲有芋絲同西蘭花 個汁夠多夠甜 同白飯係最夾既,飯身吸左汁味道好食甜品仲有特濃朱古力布甸同香芋椰汁西米露芋頭已經煮溶化曬,好似飲湯芋頭湯好香芋味仲好大碗好味道! 朱古力布甸又香又濃,入口即溶美孚美孚新邨六期恆柏街2-8號N29C1舖平均消費$120評分8/10

呢間甜品店比較偏僻 唔係朋友帶去都未必知😹不過甜品質素同服務都係值得encore 🧜🏻‍♀️堂食完都外賣另外兩款甜品返家🥳另外仲有主食嫁🙈-🍴雜果西米露 HKD45有得揀要椰汁 芒果汁 花奶做底🥛果日🧜🏻‍♀️本來揀左芒果汁 但上枱比錯左 本來我話唔緊要啦我都ok😹但係佢地都係另比左杯芒果汁我撈😍講返甜品先 西米露超大碗 水果都非常多 食到🧜🏻‍♀️覺得似食緊湯飯😹水果有西瓜 菠蘿等等全部都好甜 芒果汁都唔錯 配埋食有啲似雜果楊枝甘露🤩🍴博士茶牛奶布甸配博士茶啫喱 HKD25好香茶味🍵每一啖都帶有甘香 加埋牛奶布甸食唔會太苦都唔會好甜 岩曬怕甜人士又想食甜品🙈🍴朱古力芝士餅 HKD38唔好睇佢細細件 入口係超濃朱古力味同埋口感勁敦厚 基本上食完正餐食佢係令你超飽🤣雖然芝士味比朱古力味蓋過 但係真係好好食 已經當左佢係朱古力慕絲咁食 仲要唔係好甘苦嘅朱古力 相信人人都接受到😋中意食餅底嘅人注意⚠️勁厚餅底 加埋食一級棒🍫🍴檸檬茶椰果果凍 HKD25好特別🤣起屋企食打開個盒都已經好香雀巢檸檬茶味🍋一食落口又係勁濃檸檬茶 好似食一件飲左一枝茶咁 味道唔會好甜 果凍口感清爽彈牙 入面仲有椰果增加食感😝

罕有高質家庭式小店，店舖小小，人情味滿滿朋友多次推介這間餐廳，今日終於抽到時間試一試😍，果然無令我失望😂👏🏻👏🏻店內只有四張檯，Lunch time 想食就要排吓隊。首先order左一個芝士龍脷柳飯，超好食，濃濃芝士香配上沙律醬(我估😂)，而家諗起都想再食😝另外再叫左一容香蒜洋蔥蜆肉鮮菇意粉，貌似普通，但味道香濃，勁多蜆食，食極都有😂，好有誠意午餐可配湯或飲品，今次選了南瓜湯，好飲，有口感，唔似一般餐廳用粉開果啲最後忍唔住試埋佢個糖水👉🏻合桃糊，不錯，有粒粒合桃醉，不太甜比個餐牌大家參考下，有機會要試啊

讚1.地方細，但門面、環境都好精緻，估唔到呢度會有間咁日本小店feel既店仔2.服務好有家庭風味，但又無冷落生客（即係我）3.野食足料既，薑汁湯丸既薑湯夠味，湯丸外皮滑，餡料足，而且夠香，芝麻糊都好滑溜彈無乜

呢間位於美孚新村入面嘅餐廳雖然鋪面細細，但食物嘅選擇都唔少。喺呢度已經食過幾次晚飯，服務態度同食飯質素都幾好，回頭率100%！💛今晚又黎到食晚飯，6點左右都已經有3枱客、又有好多街坊黎買外賣/ 糖水～😋 晚飯$58 有一個飯/意粉加飲品，飲品係自家製嘅花茶/草本茶，味道健康又有驚喜！😍 加$18叫咗呢個朱古力布甸🍫，雖然睇落其貌不揚，但一入口真係估佢唔到咁好味🤭 上面嗰層似係阿華田成份嘅朱古力、夾埋下面滑溜嘅朱古力布甸一齊食好好味🤤另外有次食嘅焗魚飯都唔錯、即焗熱辣辣～飯底係紅米飯更健康💪🏼食緊飯嘅時候見有好多人黎買外賣甜品，甜品/糖水睇落都唔錯，睇黎要再黎多幾次試晒佢～🐷🐽