悅火 (已結業)

明太子鱿鱼渍伴三文鱼子，香鱼甘露煮，水果蕃茄，矶粒贝放埋一碟，系前菜之一，每款少少地，我最中意食明太子鱿鱼渍伴三文鱼子，明太子鱿鱼唔会太咸，伴住三文鱼子，鲜味十足，其他都好好食！另外毛蟹刺身，马粪海胆配青柠啫喱亦好特别，蟹肉刺身好鲜甜，蟹肉质感好好，同软绵绵既海胆一齐食，仲有酸酸地既青柠啫喱，成个口感味道都好有层次！而北寄贝，带子，樽菜亦系一小碟，咸咸地佐亦食到鲜味，几好！烟熏䲠鱼亦系第一次食，真系好浓烟熏味，鱼肉亦几有咬口，都好得意！深海池鱼同白身鱼薄切都肥美，好鲜嫩，肉质好好，薄薄地都好好食！汁煮八爪鱼就酸酸地，八爪鱼好有口感，烟烟韧韧，都系几特别既！寿司八品就有油甘鱼，沙锥鱼，富山白虾，拖罗，吞拿鱼，金目鲷，赤鯥鱼，海胆，最深刻就系沙锥鱼刺身，真系第一次食，原来口感咁得意，鱼肉好软绵，另外既白虾都系好好食，好弹牙，好爽口呀！卷物入面既三文鱼都好新鲜，好肥美，好出色既卷物！最后既鲷鱼清汤同蜜瓜都系好好食既，最中意系蜜瓜，真系日本直送，好清甜，一流呀！