影片
更多
2019-06-27
2570 浏览
虽然黄埔线开通咗好耐，但惯性问题，都喺较少过嚟红磡、黄埔呢区食嘢。而呢一晚因为有个安息礼拜要出席，而且，又结束得早，所以，同友人打算食埋饭先返归。自问对呢区认识浅，故此，今晚帮衬「红椒力量」都喺友人带路，因其工作关系，食匀港九新界。虽然店名有红辣两个字，但店内环境除咗红色墙身之外，就唔喺太多相关嘅装饰，反而远处位有个大树树枝嘅装饰，一路撑到上天花板喺较突出嘅设计，否则，格局就似喺惯常所见嘅茶记，但卡位阔落算好坐。睇门面，因为贴咗好多星马泰菜式嘅图片及套餐，以为喺卖星马菜，其实，睇埋佢嘅餐牌，就知带着茶记精神，乜都有，但就以东南亚为住，中西式为副，散点、套餐都有，普遍嚟讲，定价都街坊，饮品又有加配优惠，所以，真喺有唔少街坊光顾。杂锦拼盘 $98餐牌写到明有虾饼、鸡翼、春卷、猪牛鸡沙嗲各一串，有得几个嚟叫拼盘就最好不过。几款食物炸又好，烧又好，外观就金黄靓仔，不过，中间位加多几片青瓜、蕃茄就好睇啲。虾饼做得弹牙，亦有虾鲜味；鸡翼同春卷就叫做稳打稳紥，算香口惹味，沙嗲就随手拣咗串牛，睇样就唔多分得出鸡牛猪，不过，牛肉软腍有肉香，啲沙嗲酱亦好好味。泰式卤猪脾饭 $62见佢喺厨师推介，就增加兴趣
虽然店名有红辣两个字，但店内环境除咗红色墙身之外，就唔喺太多相关嘅装饰，反而远处位有个大树树枝嘅装饰，一路撑到上天花板喺较突出嘅设计，否则，格局就似喺惯常所见嘅茶记，但卡位阔落算好坐。
睇门面，因为贴咗好多星马泰菜式嘅图片及套餐，以为喺卖星马菜，其实，睇埋佢嘅餐牌，就知带着茶记精神，乜都有，但就以东南亚为住，中西式为副，散点、套餐都有，普遍嚟讲，定价都街坊，饮品又有加配优惠，所以，真喺有唔少街坊光顾。
杂锦拼盘 $98餐牌写到明有虾饼、鸡翼、春卷、猪牛鸡沙嗲各一串，有得几个嚟叫拼盘就最好不过。几款食物炸又好，烧又好，外观就金黄靓仔，不过，中间位加多几片青瓜、蕃茄就好睇啲。虾饼做得弹牙，亦有虾鲜味；鸡翼同春卷就叫做稳打稳紥，算香口惹味，沙嗲就随手拣咗串牛，睇样就唔多分得出鸡牛猪，不过，牛肉软腍有肉香，啲沙嗲酱亦好好味。
泰式卤猪脾饭 $62见佢喺厨师推介，就增加兴趣一试，而个饭就送埋老火例汤（青红萝卜煲猪骨）。其实个饭都几抵食，因为猪脾俾得唔少，味道方面都几入味，个卤水都算香，加上去晒骨，啖啖猪皮（骨胶原？）、啖啖肉，伴有少少酸菜俾客人去消减吓点点油腻。
香茅猪扒捞檬 $50香茅猪扒一向喺越南菜嘅特色食物，天口热，食捞檬就更合适，尤其加埋啲甘笋丝、青瓜丝及银芽，再淋上鱼露，咸咸鲜鲜，口感清爽，宁舍啱胃口；而猪扒煎得香脆，更充满香茅嘅香味，肉质松化，又喺一道有水准嘅越式粉面。
马拉盏炒通菜 $62搭多一道净菜，而蔬菜类都有好几款选择，做法亦有得拣，如马拉盏、泰式、清炒、蒜蓓、咸鱼。啲通菜好嫩口吓，炒得仲喺爽爽哋，加上超惹味嘅马拉盏，简单而美味。
菠萝沙冰 +$19近排天气实在热爆，所以，就点咗杯沙冰降吓温，有菠萝味就啱晒我喇。虽然大大杯，但菠萝味稍嫌未够强，而且，冰感比较重，饮落有好多大冰粒，意思即喺成份中，水量占多数所做成嘅效果。
龙眼冰 +$10友人就喜欢龙眼冰，其实，呢个都喺我心水。大大杯嘅龙眼冰，望落去里面唔算好多龙眼肉，友人就话OK啦，至少可以消吓暑。
饮品一环就普通啦，但几款食物都真喺做得唔错，份量又十足，全日仲免加一（所以，我视佢为茶记大于一家东南亚菜馆），食咁多嘢都喺三百头，可谓平靓正啦！
张贴
